Գերապետրիտիս.«Հունաստանը հիմնականում կողմ է Թուրքիայի եվրապական առաջընթացին»

Քաղաքական15:28, 29 Օգոստոս 2024

Գերապետրիտիս.«Հունաստանը հիմնականում կողմ է Թուրքիայի եվրապական առաջընթացին»

Թուրքիայի արտաքին գերատեսչության նախարար Հաքան Ֆիդանը Բրյուսելում մասնակցում է Եվրամիության արտգործնախարարների ոչ պաշտոնական հանդիպմանը։ Նշվում է, որ հանդիպման ընթացքում կքննարկվի ԵՄ-ին Թուրքիայի անդամակցության հարցը, ինչպես նաև մաքսային միության և վիզաների հետ կապված հարցեր։

Այցի շրջանակներում Ֆիդանը երկկողմ հանդիպումներ է ունեցել Հունաստանի և Իսպանիայի արտաքին գործերի նախարարների հետ։

Հունաստանի արտաքին գործերի նախարար Յորգոս Գերապետրիտիսը մինչ Հաքան Ֆիդանի հետ հանդիպելը նշել է, որ Թուրքիայի արտգործնախարարի համար 5 տարի անց այս հանդիպմանը մասնակցելը չափազանց կարևոր է։

Գերապետրիտիսը նաև նշել է, որ այս հանդիպումը հնարավորություն կտա խոսել Թուրքիա-Եվրոպա հարաբերությունների մասին ու հավելել, որ Հունաստանը հիմնականում կողմ է Թուրքիայի եվրոպական առաջընթացին։

Անդրադառնալով Ֆիդանի հետ հանդիպմանը, Գերապետրիտիսը նշել է, որ չափազանց կարևոր է ՄԱԿ-ի նախաձեռնությամբ Կիպրոսի հարցի լուծման համար բանակցությունները վերսկսելու ջանքերը և հավելել, որ այդ հարցերը կքննարկեն Թուրքիայի արտգործնախարարի հետ հանդիպման ընթացքում։

Աղբյուր` trthaber.com,turkiyegazetesi.com.