Թուրքիայի Պնախարարն ընդունել է արցախյան պատերազմներում մահացած ադրբեջանցների ընտանիքներին

Քաղաքական12:20, 30 Օգոստոս 2024

Թուրքիայի Պնախարարն ընդունել է արցախյան պատերազմներում մահացած ադրբեջանցների ընտանիքներին

Թուրքիայի պաշտպանության նախարարը գերատեսչության շենքում ընդունել է Ղարաբաղյան հակամարտությունում սպանված ադրբեջանցիների ընտանիքների անդամներին:

Թուրքիայի պաշտպանության նախարության հայտարարության մեջ նշվում է, որ հանդիպմանը ներկա է գտնվել նաև Թուրքիայի գլխավոր շտաբի պետ, գեներալ Մեթին Գյուրաքը:

Հանդիպման ընթացքում Գյուլերը ցավակցություն է հայտնել ընտանիքի անդամներին, իսկ վերջին՝ 44-օրյա պատերազմում Ադրբեջանի հաղթանակը որակել որպես ամենալավ պատասխանը, որն ուղղված էր իբրև Ղարաբաղի խնդիրը փակուղի տանողներին:

Հիշեցնենք, որ 2020-ի սեպտեմբերի 27-ին Ադրբեջանի բանակը լայնածավալ հարձակման էր անցել Լեռնային Ղարաբաղի (Արցախ) հետ ունեցած սահմանի ողջ երկայնքով: Նրանց բացեիբաց աջակցություն էր տրամադրում թուրքական կողմը՝ սանձազերծած կռվին ներգրավելով թե՛ օտարերկրյա վարձկաններին, և թե՛ սեփական երկրի զինվորականներին:

Հետագայում «44-օրյա պատերազմ» անվանումը ստացած Ղարաբաղյան 3-րդ պատերազմն ավարտվեց նոյեմբերի 9-ին՝ Հայաստանի, Ռուսաստանի և Ադրբեջանի ղեկավարների եռակողմ հայտարարությամբ:

Աղբյուր` Aa.com.tr