Թուրքիան մտադիր է համաշխարհային բրենդ դառնալ մի շարք ոլորտներում

Քաղաքական10:33, 02 Սեպտեմբեր 2024

Թուրքիան մտադիր է համաշխարհային բրենդ դառնալ մի շարք ոլորտներում

Թուրքիայի նախագահ Ռեջեփ Թայիփ Էրդողանն օգոստոսի 1-ին ելույթ է ունեցել Ստամբուլում «Rixos Tersane» թուրքական հյուրանոցի բացման արարողությանը:

Էրդողանը նշել է, որ հավատում է, որ ոլորտում երկարամյա պատմություն ունեցող հյուրանոցային ցանցն էլ ավելի է գեղեցկացնելու Ստամբուլը:

Այս համատեքստում Էրդողանն անդրադարձել է Թուրքիայի՝ որպես տուրիստական կենտրոնի զարգացման գործընթացին:

«2022-ին մենք ապահովեցինք «Michelin Rehberi»-ի (Guide) մուտքը Ստամբուլ: Այս ամենը միայն սկիզբն է: Մեր առաջ էլ ավելի լուրջ տարածություն կա, որն անցնելու ենք: Մենք կանգ չենք առնելու այնքան ժամանակ, քանի դեռ չենք դարձել առողջապահության, ռազմարդյունաբերության, սննարդյունաբերության, տեքստիլի, շինարարության և զբոսաշրջության համարշխարհային բրենդ»,-պնդել է նա:

Նշենք, որ, ըստ Թուրքիայի նախագահի, 2002-ին Թուրքիա է այցելել 13 մլն զբոսաշրջիկ, իսկ արդեն 2023-ի վերջին նրանց թիվը հասել է 56 միլիոնի:

«Michelin Guide»-ը երբեմն հիշատակվում է նաև որպես «Կարմիր ուղեկցորդ»: Այն այս պահին ամենահայտնի և ամենաազդեցիկ վարկանշային համակարգն է ամբողջ աշխարհում: Գործում է 1900 թվականից:

Աղբյուր` Trthaber.com