Թուրքիան և Եգիպտոսը համատեղ հայտարարություն են ստորագրել

Քաղաքական09:08, 05 Սեպտեմբեր 2024

Թուրքիան և Եգիպտոսը համատեղ հայտարարություն են ստորագրել

Սեպտեմբերի 4-ին Թուրքիա մեկնած Եգիպտոսի նախագահ Աբդել Ֆաթահ ալ-Սիսիի և Թուրքիայի նախագահ Ռեջեփ Թայիփ Էրդողանի գլխավորությամբ տեղի է ունեցել «Թուրքիա-Եգիպտոս բարձր մակարդակի ռազմավարական համագործակցության խորհրդի» 1-ին նիստը:

Երկու երկրներն էլ արտահայտել են իրենց պատրաստակամությունը Պաղեստինի Գազայի հատվածի իրադարձությունների ֆոնին հումանիտար գործողություններին աջակցելու համար ավելի ամրապնդել իրենց միջև առկա համագործակցության մակարդակը:

Նիստի շրջանակներում կողմերը համատեղ հուշագիր են ստորագրել: Այն վերաբերում է ֆինանսների, շրջակա միջավայրի, քաղաքաշինության, առողջապահության, էներգետիկայի, գործարարության, գյուղատնտեսության, քաղաքացիական ավիացիայի, ինֆորմացիայի և կապի տեխնոլոգիաների, բարձրագույն կրթական համալիրների, աշխատանքի և զբաղվածության, համագործակցության և կարողությունների զարգացման, երկաթուղային ճանապարահների, մրցակցային քաղաքականության և դիվանագիտական ակադեմիաների համագործակցության ոլորտներին:

Համատեղ հուշագրում ասված է. «Երկու երկրները որոշում են կայացնում մեծացնել երկկողմ ջանքերը՝ բոլոր ոլորտներում երկկողմ իրավական դաշտի կարիքները համապատասխան կերպով ամրապնդելու և կողմերի միջև առկա բազմաշերտ համագործակցության և կոորդինացման դիվերսիֆիկացիայի ու խորացման նպատակով»:

Նշենք, որ 2025-ին լրանում է երկու երկրների միջև դիվանագիտական հարաբերությունների հաստատման 100-րդ տարին:

Աղբյուր` Trthaber.com