Թուրք վերլուծաբան․ «Թուրքիայի և Ադրբեջանի միջև արդեն կա շատ լուրջ լարվածություն»

Քաղաքական13:41, 09 Սեպտեմբեր 2024

Թուրք վերլուծաբան․ «Թուրքիայի և Ադրբեջանի միջև արդեն կա շատ լուրջ լարվածություն»

Թուրք վերլուծաբան Հաքան Սոնոքն իր հոդվածում անդրադարձել է թուրք-ադրբեջանական հարաբերություններին։ Ըստ նրա դիտարկման՝ վերջին շրջանում աճել է Թուրքիայի և Ադրբեջանի միջև լարվածությունը՝ բացահայտելով նրանց հարաբերությունների և ղարաբաղյան հակամարտության խորքային խնդիրները։

Հոդվածում տեղ գտած ձևակերպումների համաձայն՝ 2024 թվականի օգոստոսին Ռուսաստանի նախագահ Վլադիմիր Պուտինի այցը Ադրբեջան ազդարարեց Ռուսաստանի և Ադրբեջանի միջև դաշինքի ամրապնդման մասին, ինչը սրեց լարվածությունը Թուրքիայի հետ: Թուրք պաշտոնյաների վերջին հայտարարությունները զայրացրել են Ադրբեջանին, հատկապես Հայաստանի հետ նրանց պատմական հակամարտությունների համատեքստում:

Սոնոքն նկատել է տալիս, որ թուրք պաշտոնյաները հայտարարություններ են արել, ըստ որոնց, Ադրբեջանը խեղաթյուրում է իրենց պայքարի և հաղթանակի իրականությունը։

Ադրբեջանի պաշտոնական դիրքրորոշումն այս հարցի շուրջ հերքում է այն կարծիքը, թե պատերազմի ժամանակ Թուրքիայի ներդրումներն օգնություն են եղել՝ ընդգծելով, որ ամբողջ ռազմական տեխնիկայի համար վճարվել է։ Այն նաև վիճարկում է այն պնդումները, որ հաղթանակը պատկանում է Թուրքիային՝ ընդգծելով, որ Ադրբեջանի հաջողությունը Ղարաբաղում ձեռք է բերվել Ադրբեջանի սեփական ջանքերով և զոհողություններով։

Հոդվածագիրը քննադատում է թուրքական իշխանություններին 44-օրյա պատերազմի իրողությունները խեղաթյուրելու և հայկական շահերին ծառայելու համար: Սոնոքը սխալ է համարում այդ հաղթանակը միայն Թուրքիային վերագրելը։ Իսկ վերջում նաև հռետորական հարցադրում անում. Թուրքիան արդյո՞ք ուզում է կորցնել Ադրբեջանի բարեկամությունը։

Աղբյուր` https://www.akdenizgercek.com.tr/