ERMENI HABER AJANSI

Թուրքիայում գլխավոր ընդդիմադիր քեմալական «Ժողվրդահանրապետական կուսակցության» (ԺՀԿ-CHP) առաջնորդ Օզգյուր Օզելը պատասխանել թուրք հայտնի լրագրող Մուրադ Յեթքինի հարցերին:

Յեթինի հարցերը հիմնականում վերաբերել են Թուրքիայում ՏԻՄ վերջին ընտրություններում «ԺՀԿ» հաղթանակից հետո շրջանառվող «արտահերթ ընտրությունների» մասին խոսակցություններին:

Այս առումով Օզելը ներկայացրել է «ԺՀԿ»-ի ունեցած դիրքորոշումը: Մուրադ Յեթքինի «Չնայած սահմանադրությանը դուք ասում եք, որ (արտահերթ ընտրությունները-խմբ.) հնարավոր է: Արդյո՞ք հակասական չէ» հարցին ի պատասխան Օզելն ասել է.

«Խնդիրն էլ հենց այստեղ է: Թե՛ մեր բազան, թե՛ ընդդիմադիր մեր ընտրողները արտահերթ ընտրությունների կոչ են անում: Մենք էլ անում ենք, սակայն հակասում է այն, որ մի կողմից ուզում են արտահերթ ընտրություններ, իսկ մյուս կողմից ասում, որ նա (Էդրողանը-խմբ.) թեկնածու չլինի: Որովհետև, եթե խորհրդարանը որոշում կայացնի, 116-րդ հոդվածի համաձայն՝ նա կարող է թեկնածու լինել»:

Այս համատեքստում ընդդիմադիր կուսակցապետն ընդգծել է, որ այդ ընթացակարգը հստակ ներառված է սահմանադրության մեջ և դա Էրդողանի ցանկությամբ չէ, որ լինելու է:

Արտահերթ ընտրությունների և դրանցում Էրդողանի թեկնածության մասին խոսելուց հետո, Օզելը հայտնել է այս տեսանկյունից իշխանությանն ուղղված առաջարկը:

«Ասում ենք՝ այս 5 տարին բաժանենք երկու մասի. 2.5 ձեզնից, 2.5 մեզնից: Ասում ենք՝ եկեք 2.5 տարին լրանալուն պես տարեք (կարգավորումը-խմբ.) խորհրդարան և գնանք ընտրության: Դա էլ լինում է 2025-ի հոկտեմբերը:

Մեքն ասում ենք՝ պարոն Էրդողան, եթե ցանկանում ես լինել թեկնածու, 2025-ի նոյեմբերից հետո չգաս: Այդպես չի լինի»,-ասել է նա և շեշտել. «Մինչև 2.5 տարին լրանալը կանք, դրանից հետո ոչ»՝ նկատի ունենալով, որ առաջարկն ուժի մեջ է լինելու մինչև վերոհիշյալ ժամկետը: