Տնտեսական14:25, 16 Սեպտեմբեր 2024
Թուրքիա-Իսրայել առևտուրը շարունակվում է
Թուրքական մեդիայում տարածվել են փաստաթղթեր, որոնց համաձայն՝ Թուրքիան շարունակում է մատակարարումներ իրականացնել Իսրայել: Դրանով իսկ պարզ է դառնում, որ Իսրայել-Թուրքիա առևտրաշրջանառությունն ամենևին էլ դադարեցված չէ և չի էլ եղել:
«Թուրքիայի արդյունաբերողների և գործարարների միության» (MÜSAİD) անդամ «İÇDAŞ» ընկերությունը ցեմենտ և երկաթ է արտահանել Իսրայել:
Նշվում է, որ սեպտեմբերի 10-ին Չանաքքալե նահանգի նավահանգստից ընկերությանը պատկանող նավը շարժվել է ուղիղ Իսրայելի Հայիֆա նավահանգիստ:
Ընկերության կողմից ապրանքների մատակարարման մասին բացահայտել է պաղեստինցի հատոզոտող Նայիմ Էյյուբը:
Նա նշել է, որ սա Իսրայել մատակարարումների միակ դեպքը չէ. նավահանգիստներից դուրս եկած նավերի երթուղուց պարզ է դարձել, որ Հայիֆա այլ նավեր ևս ուղևորվել են, սակայն հայտնի չէ, թե ինչ ապրանքներ են տեղափոխվել:
Ըստ պաղեստինցու՝ ընկերությունը նույնիսկ չի մտահոգվում երրորդ երկրների տարածքով մատակարարումներ իրականացնելու մասով:
Էյյուբի տեղեկություններով՝ Իսրայել արտահանումների համար տևական ժամանակ ընկերությունն օգտագործում է 11 նավ:
Հիշեցնենք, որ Թուրքիայի նախագահ Ռեջեփ Թայիփ Էրդողանն էր մայիսի 3-ին հայտարարել Իսրայելի հետ առևտրաշրջանառության դադարեցման մասին և ընդգծել, որ այն կվերագործարկվի՝ երբ Իսրայելը դադարեցնի ռազմական գործողությունները Պաղեստինի Գազայի հատվածում և թույլ տա հումանիտար բեռների մուտքը այդ հատված:
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Երկրները միմյանց կտրամադրեն հնարավորինս լիարժեք տեղեկություն։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |