Թուրքիայում իշխող կուսակցության խոսնակ. «Ընտրությունները կանցկացվեն ժամանակին»

Քաղաքական10:52, 17 Սեպտեմբեր 2024

Թուրքիայում իշխող կուսակցության խոսնակ. «Ընտրությունները կանցկացվեն ժամանակին»

Թուրքիայում իշխող «Արդարությու և զարգացում կուսակցության» (ԱԶԿ-AKP) խոսնակ Օմեր Չելիքն անդրադարձել է գլխավոր ընդդիմադիր քեմալական «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելի արտահերթ ընտրությունների մասին կոչին:

«ԱԶԿ»-ի կենտրոնական կառավարման խորհրդրի նիստում Չելիքն ասել է, որ Օզելն այդպիսի պահանջով հանդես չի եկել, ապա նշել.

«Չկա որևէ համոզմունք, որ ԺՀԿ-ն կլուծի հասարակության որևէ խնդիր: Ընտրությունները կանցկացվեն ժամանակին: Արտահերթ ընտրություններ չկան, բայց Ժովորդահանրապետական կուսակցության մասով օրակարգը հետևայլն է. ընտրությունները կլինեն իրենց ժամանակին: Հետաքրքիր է՝ ընտրությունների՝ ժամանակին անցկացվելու պարագայում ԺՀԿ-ի ղեկավարն ո՞վ է լինելու: Ահա, թե ինչի մասին է բանավեճը»:

Հիշեցնենք, որ սեպտեմբերի 16-ին Օզելը, արտահերթ ընտրությունների մասին կոչ անելիս, ասել էր.

«Պարոն Թայիփը (Թուրքիայի նախագահ-խմբ.) թող գա, հանգստացնի քաղաքացուն: Այսօրվանից ասենք ընտրության օրը: Պատմենք, թե ինչպես ենք մի տարվա ընթացքում մենք բոլորս ազգը փրկելու այս բարոյական ճնշումներից ու այս կոշտուկից»: