Քաղաքական14:56, 19 Սեպտեմբեր 2024
Ֆիդանը խոսել է Թուրքիայի օրակարգային հարցերից
Թուրքիայի արտգործնախարար Հաքան Ֆիդանը թուրքական «Anadolu» պետական լրատվական գործակալության հաղորդումներից մեկում անդրադարձել է Թուրքիայի օրակարգային հարցերին:
Նա հայտնել է, որ Թուրքիան Լիբանանում փեյջերների պայթյունից հետո օրակարգ է բերել կիբեռանվտանգությանը վերաբերող հարցեր, որոնց շրջանակում դիտարկում է մասնավոր կիբեռանվտանգային կազմակերպություն ստեղծելու հարցը:
Գազայի հատվածում տիրող իրավիճակից խոսելիս՝ Ֆիդանն ընդգծել է, որ Իսրայելի վարչապետ Բենյամին Նեթանյահուն շարունակում է Արևմուտքի աջակցությամբ պաղեստինյան հողերի զավթումը՝ այն անվանելով «հողերի հափշտակման ծրագիր»:
Ֆիդանը նշել է, որ Իսրայելի հարձակումները քայլ առ քայլ ուղղված են Լիբանանի ուղղությամբ իրավիճակի լարմանը:
Սիրիայի խնդրի մասին խոսելիս՝ շեշտել է, որ թուրքական լուծման տարբերակի իրականացման դեպքում Սիրիան մնացյալ խնդիրներն ավելի հեշտ կլուծի:
Ասել է նաև, որ եվրոպական երկրները Թուրքիայի հետ հարաբերություններում ծայրահեղական աջ իշխանություններ ունեցող պետությունների պես են դրսևորում իրենց:
Օրակարգային հարցերից դուրս չեն մնացել նաև Արևմուտք-Ռուսաստան հարաբերությունները։ Այդ համատեքստում Ֆիդանն ասել է, որ Արևմուտքի և Ռուսաստանի միջև սկսված սառը պատերազմը կշարունակի խորանալ և զարգանալ մեկ այլ հարթության մեջ։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |