Ժամանակն է սկսել մի գործընթաց, որով սիրիացի փախստականները կգնան Սիրիա

Քաղաքական12:21, 25 Սեպտեմբեր 2024

Ժամանակն է սկսել մի գործընթաց, որով սիրիացի փախստականները կգնան Սիրիա

Թուրքիայի մշակույթի և զբոսաշրջության նախկին նախարար Բահաթթին Յուջելը անդրադարձել է Սիրիայի նախագահ Բաշար ալ-Ասադի այն հայտարարությանը, ըստ որի՝ Սիրիայից դուրս գտնվող սիրիացիների համար ընդհանուր համաներման որոշում կկայացվի։

Միջանկյալ նշենք Բաշար ալ-Ասադի հայտարարությունը․

«Բոլոր այն սիրիացիները, որոնք լքել են Սիրիան, այդ թվում՝ դասալիքները ներառված են համաներման շրջանակներում և նրանց նկատմամբ հետաքննություն չի իրականացվի, չեն հետապնդվի, եթե վերադառնան Սիրիա սահմանված ժամկետում»։

Նախկին նախարարը նշել է, որ վերոհիշյալ հայտարարությունը վերացրել է Թուրքիայում սիրիացիների համար բնորոշված փախստականի ժամանակավոր կարգավիճակը ու ըստ այդմ, անհրաժեշտ է սկսել մի գործընթաց, որպեսզի փախստականները գնան իրենց երկրներ։

Հիշեցնենք, որ 2024 թվականի օգոստոսի դրությամբ Թուրքիայում ժամանակավոր պաշտպանության կարգավիճակ ունեցող 3.103.606 սիրիացի կա։

Աղբյուր` yenimesaj.com.tr