Քաղաքական16:20, 10 Հոկտեմբեր 2024
Աքար. «Հրադադարի հաստատումը Գազայում, Հորդանան գետի արևմտյան ափին ու Lիբանանում կարևոր է»
Թուրքիայի ազգային մեծ ժողովի պաշտպանության հանձնաժողովի նախագահ Հուլուսի Աքարը խորհրդարանում հանդիպել է Ֆրանսիայի Սենատի արտաքին գործերի, պաշտպանության և զինված ուժերի հանձնաժողովի պատվիրակության նախագահ Քրիստիան Կամբոնի հետ։
Աքարը նշել է, որ ուրախ են Պաղեստնինի հարցում Իսրայելին ուղղված Ֆրանսիայի ձեռնարկած կանխերգելիչ միջոցառումների համար։ Նա նաև հավելել է, որ բարձր են գնահատում Ֆրանսիայի նախագահ Էմմանուել Մակրոնի հայտարարությունները Գազայում անհապաղ քաղաքական լուծմանը վերադառնալու ու Իսրայելին զենքի էմբարգո սահմանելու կոչերի վերաբերյալ։
«Մենք գիտենք, թե Ֆրանսիան ինչ զգայուն է մարդու իրավունքների ու համամարդկային արժեքների նկատմամբ։ Ֆրանսիան մեզ համար առանձնահատուկ և կարևոր տեղ ունի, քանի որ մեր դիվանագիտական, քաղաքական, տնտեսական, սոցիալական և մշակութային հարաբերությունները ձեզ հետ ունեն 600 տարվա վաղեմություն։ Մենք որպես դաշնակիցներ ՆԱՏՕ-ի շրջանակներում շարունակում ենք մեր աշխատանքը»,- նշել է թուրք պաշտոնյան։
Նրա խոսքով՝ Ֆրանսիայում ապրում է մոտ 1 մլն թուրք, որոնցից մոտ 400.000-ը երկքաղաքացի են։ Ըստ Աքարի՝ կողմնակալ ու բացասական որոշումները կանխելու առաջին պայմանը երկխոսության ուժեղացնում է։
Աքարը նշել է, որ Թուրքիայի սահմանը Իրաքի և Սիրիայի հետ նաև Եվրամիության և ՆԱՏՕ-ի սահմանն է ու ընդգծել, որ նաև այդ պատճառով ինչ-որ առումով Թուրքիան ջանքեր է գործադրում թե՛ ԵՄ-ի, և թե՛ ՆԱՏՕ-ի անվտանգությունն ապահովելու համար։
«Այս հարցում մենք ակնկալում ենք փոխըմբռնում և համագործակցություն մեր ընկերներից և դաշնակիցներից, հատկապես Ֆրանսիայից։ Պաղեստինի հարցում էլ պետք է միասին աշխատենք հրադադարի հասնելու համար։ Հրադադարի հաստատումը Գազայում, Հորդանան գետի արևմտյան ափին ու Լիբանանում, թե՛ մեր ապագայի, թե՛ այնտեղի անմեղ մարդկանց համար մեծ նշանակություն ունի»,-շեշտել է Աքարը։
Կամբոնն իր հերթին անդրադառնալով երկու երկրների միջև խաղաղության ու անվտանգության հարցերի շուրջ երկխոսության կարևորությանը, նշել է, որ Ֆրանսիան զգայուն է այս տարածաշրջանում Թուրքիայի ջանքերի ու ստանձնած դերի նկատմամբ և աջակցում է Թուրքիային։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |