«Իսրայելական պատերազմական մեքենային» սատարող Էրդողանը մեղադրում է ՆԱՏՕ-ին՝ Իսրայելին աջակցելու համար

Քաղաքական09:35, 17 Հոկտեմբեր 2024

«Իսրայելական պատերազմական մեքենային» սատարող Էրդողանը մեղադրում է ՆԱՏՕ-ին՝ Իսրայելին աջակցելու համար

«Wsws.org» կայքում անդրադարձ է կատարվել Թուրքիայի նախագահի կողմից Հյուսիսատլանտային դաշինքի անդամներին (ՆԱՏՕ) ուղղված քննադատություններին կապված Իսրայելի գործողությունների հետ:

Ուշադրություն է հրավիրվել նաև այն բանի վրա, որ մինչ Ռեջեփ Թայիփ Էրդողանը քննադատում է նրանց, Թուրքիան շարունակում է համագործակցել Իսրայելի հետ, որը բնօրինակ տեքստում ունի հետևյալ ձևակերպումը. «Մինչ Թուրքիան շարունակում է կերակրել Իսրայելի պատերազմական մեքենան...»:

Այսպիսով, Էրդողանը հոկտեմբերի 14-ին «X»-ում կատարած գրառմամբ անդարդարձել էր Լիբանանում տեղակայված Միացյալ ազգերի կազմակերպության (ՄԱԿ) խաղաղապահ ուժերի հետ կապված միջադեպին, որն առնչվում էր այդ երկրում Իսրայելի գործողություններին:

«Այն տեսարանը, որ «ՄԱԿ»-ը նույնիսկ չի կարողանում պաշտպանել իր սեփական անձնակազմին, ամոթալի և մտագոհիչ է միջազգային համակարգի համար:

Իսրայելական տանկերը մտնում են «UNFIL»-ի տարածք, հարձակվում խաղաղապահ զորակազմի զինվորների վրա, նույնիսկ նրանց մի մասին վիրավորում, սակայն ՄԱԿ ԱԽ-ն այս ամբողջ «ավազակությունը» միայն տրիբունայից է դիտում:

Սրա անունն անօգնականություն է: Դա նշանակում է հանձնվել Իսրայելի ագրեսիային»,-ասել է Էրդողանը:

Կայքում տեղադրված նյութում զուգահեռ հղում է տրվում իսրայելական «Ynet» լրատվակայքին, որի համաձայն՝ Թուրքիան ամենևին էլ չի դադարեցրել Իսրայելի հետ առևտուրը:

«Այնուամենայնիվ, չնայած մինչ այժմ Իսրայել ապրանքների արտահանման թուրքական էմբարգոյին, արտահանումը Պաղեստին շարունակվում է և դրա մեծ մասն անուղղակի ճանապարհներով հասնում է Իսրայելի տնտեսությանը»:

Աղբյուր` Wsws.org