Ֆիդանը հեռախոսազրույց է ունեցել ԱՄՆ պետքարտուղարի հետ

Քաղաքական10:40, 25 Հոկտեմբեր 2024

Ֆիդանը հեռախոսազրույց է ունեցել ԱՄՆ պետքարտուղարի հետ

Թուրքիայի արտգործնախարարության համաձայն՝ գերատեսչության ղեկավար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։

Ֆիդանը հանդիպման ընթացքում ուշադրություն է հրավիրել Պաղեստինի Գազայի հատվածում տիրող հումանիտար իրավիճակի վրա, ինչպես նաև կարևորել է այդ հատված հումանիտար բեռների անխոչընդոտ մուտքը։

Թուրք նախարարը նաև անդրադարձել է Լիբանանի շուրջ տիրող զարգացումներին և ընդգծել պատերազմի՝ ամբողջ տարածաշրջանում տարածվելու միտումները կանխելու համար բոլոր շահագրգիռ կողմերի համարժեք վերաբերմունք ցուցաբերելու անհրաժեշտությունը։

Նա նաև շեշտել է Գազայում հրադադարի հաստատման և Իսրայելի կողմից Լիբանանի վրա իրականացվող հարձակումներին վերջ տալու անհրաժեշտությունը։

Կողմերը մտքեր են փոխանակել նաև ռուս-ուկրաինական պատերազմի վերաբերյալ և քննարկել Ուկրաինայում տիրող իրավիճակը։

Հանդիպման ընթացքում Բլինքենն իր ցավակցությունն է հայտնել հոկտեմբերի 23-ին Անկարայում տեղի ունեցած ահաբեկչության կապակցությամբ։

Աղբյուր` Aa.com.tr