Քաղաքական09:28, 02 Դեկտեմբեր 2024
Ֆիդանը հեռախոսազրույց է ունեցել ԱՄՆ պետքարտուղարի հետ
Թուրքիայի արտգործնախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Քննարկվել են Սիրիայում տիրող իրավիճակն ու դրա շուրջ տեղի ունեցած վերջին զարգացումները։
Ըստ պետքարտուղարության՝ Բլինքենն ու Ֆիդանը շեշտել են Հալեպում բախումների դադարեցման, ինչպես նաև քաղաքացիական անձանց կյանքերի և ենթակառուցվածքների պաշտպանության անհրաժեշտությունը:
Ըստ թուրքական դիվանագիտական աղբյուրների՝ Ֆիդանը նշել է, որ Թուրքիան դեմ է տարածաշրջանում անկայունությունը մեծացնող ցանկացած զարգացման՝ նշելով, որ Սիրիայում խաղաղության և անդորրի հաստատման համար կառավարական ուժերի և ընդդիմության միջև քաղաքական գործընթացը պետք է հանգուցալուծվի։
Ֆիդանը նաև կարևորել է Գազայում հրադադարի հաստատումն ու հումանիտար օգնության տրամադրումը։ Զրույցի ընթացքում քննարկվել են նաև Ուկրաինայի և Հարավային Կովկասի հարցերը։
Ֆիդանը Սիրիայի զարգացումները քննարկել է նաև Իրաքի վարչապետի, ՌԴ արտգործնախարարի, Լիբանանի և Կատարի վարչապետերի հետ
Հիշեցնենք, որ ավելի վաղ ռուսական թելեգրամյան ալիքները հայտնել էին, որ Թուրքիան ռազմական տեխնիկա է ուղարկում Սիրիա։
Ըստ ամենայնի՝ այդ կերպ Անկարան փորձում էր աջակցել «Հայաթ Թահրիր աշ Շամ» ահաբեկչական խմբավորմանը, որը, այլ խմբավորումների աջակցությամբ հարձակվում էր Սիրիայի Հալեպ նահանգի վրա։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |