Թուրքիայի միջնորդությամբ Սոմալիի և Եթովպիայի միջև համաձայնություն է կայացել

Քաղաքական11:26, 12 Դեկտեմբեր 2024

Թուրքիայի միջնորդությամբ Սոմալիի և Եթովպիայի միջև համաձայնություն է կայացել

Թուրքիան շարունակում է ակտիվ քաղաքականություն վարել Աֆրիկա մայրցամաքում։ Թուրքիայի նախագահ Ռեջեփ Թայիփ Էրդողանն Աֆրիկայի եղջյուրում առկա ճգնաժամը լուծելու նպատակով Անկարա է հրավիրել Սոմալիի նախագահ Հասան Շեյխ Մահմուդին և Եթովպիայի վարչապետ Աբիյ Ահմեդ Ալիին։ Էրդողանը Սոմալիի և Եթովպիայի ղեկավարների հետ ունեցել է առանձնազրույցներ։

Նշվում է, որ 8 ժամ տևած բանակցություններից հետո կողմերը պայմանավորվածություն են ձեռք բերել։ Թուրքիայի միջնորդությամբ ստորագրվել է համատեղ հայտարարություն, ըստ որի, Սոմալին և Եթովպիան ճանաչում են միմյանց ինքնիշխանությունը, անկախությունը և տարածքային ամբողջականությունը։

Հիշեցնենք, որ աֆրիկյան հիշյալ երկրների միջև ճգնաժամը կապված է Սոմալիլենդի հետ։ Սոմալին իր տարածքի մաս է համարում Եմենի ծովի ափին գտնվող Սոմալիլիենդը, իսկ տեղի բնկաչությունը Սոմալիին որպես սպառնալիք է տեսնում։ Եթովպիան էլ 50 տարով վարձակալել է Սոմալիլենդի 20 կիլոմետրանոց ափամերձ հատվածը և այնտեղ ռազմածովային նավահնագիստ է հիմնել։ Իսկ դրա դիմաց Եթովպիան կդառնա Աֆրիկայի առաջին երկիրը, որը պաշտոնապես կճանաչի Սոմալիլենդի անկախությունը։