Սպիտակ տուն. «Մենք հասկանում ենք Թուրքիայի մտահոգությունները»

Քաղաքական14:32, 15 Հունվար 2025

Սպիտակ տուն. «Մենք հասկանում ենք Թուրքիայի մտահոգությունները»

Միացյալ Նահանգների ազգային անվտանգության խորհրդի ռազմավարական հաղորդակցությունների համակարգող Ջոն Քիրբին անդրադարձել է Թուրքիայից հնչող հայտարարություններին:

Նա նշել է, որ ԱՄՆ-ն հասկանում է «Քուրդիստանի բանվորական կուսակցության» (ՔԲԿ-PKK) և Թուրքիայի կողմից դրա հետ նույնացվող «Սիրիայի քրդական ինքնապաշտպանական ուժերի» (YPG) առումով թուրքական պետության ունեցած մտահոգությունները:

Քիրբիի խոսքով, Ամերիկան այդ ուղղությամբ ակտիվ քննարկումների մեջ է Թուրքիայի հետ:

Ամերիկացի պաշտոնյան նաև պնդել է, որ ԱՄՆ-ի զորքերը Սիրիայում են միայն «Իսլամական պետություն» (ԻՊ) ահաբեկչական խմբավորման դեմ պայքարելու նպատակով:

Քիրբին նշել է, որ Սիրիայում տիրող իրավիճակը զգայուն է և անհրաժեշտ է շարունակել տարածաշրջանում Թուրքիայի հետ առկա համագործակցությունը:

Հիշեցնենք, որ օրերս Թուրքիայի արտգործնախարար Հաքան Ֆիդանը հայտարարել էր, որ եթե «PKK»-ականներն ամբողջությամբ չլքեն Սիրիան, թուրքական կողմը ռազմական գործողություն կիրականացվի: