Ֆիդանը ողջունել է Գազայում հրադադարի հաստատումը

Քաղաքական10:38, 16 Հունվար 2025

Ֆիդանը ողջունել է Գազայում հրադադարի հաստատումը

Թուրքիայի արտգործնախարար Հաքան Ֆիդանը հեռախոսազրույց է ունեցել պաղեստինյան «ՀԱՄԱՍ» արմատական շարժման Շուրայի նախագահ Մուհամեդ Դերվիշ Իսմայիլի և քաղբյուրոյի անդամների հետ:

Ֆիդանը ողջունել է Գազայում հաստատված հրադադարը և մաղթել, որ այն ձեռնտու լինի Պաղեստինի ժողովրդին:

Բացի այդ, Ֆիդանը նշել է, որ Թուրքիան շարունակելու է Գազա շտապ կերպով մարդասիրական օգնություն հասցնել, ինչպես նաև աջակցել Պաղեստինին բոլոր ոլորտներում:

Նշենք, որ Գազայում հրադադարի հաստատումը կմեկնարկի հունվարի 19-ին: Այն նախատեսվում է իրականացնել 3 փուլով: Առաջին փուլում, որը տևելու է 45 օր, կողմերը կփոխանակվեն գերիներով: Առաջին փուլի հաջող ավարտից հետո կմեկնարկեն մյուս փուլերը, որոնց մասին սակայն մանրամասներ դեռևս չեն հրապարակվել:

Հայնտի է դարձել նաև, որ Կատարը, Եգիպտոսն ու ԱՄՆ-ն աշխատելու են հրադադարի մասին համաձայնագրի իրականացումն ապահովելու ուղղությամբ: Կողմերը համապատասխան մեխանիզմներ են մշակելու հետևելու համաձայնագրով սահմանված դրույթերի պահպանմանն ու հնարավոր խախտումներին:

Աղբյուր` Haberglobal.com.tr