Թուրքիան և Հունգարիան ռազմարդյունաբերական համագործակցություն են սկսել

Ռազմական10:59, 04 Փետրվար 2025

Թուրքիան և Հունգարիան ռազմարդյունաբերական համագործակցություն են սկսել

Փետրվարի 3-ին կայացել է «Թուրքիա-Հունգարիա պաշտպանական ինովացիոն աշխատանքային խմբի» 1-ին նիստը:

Նիստից հետո հայտարարվել է կարևոր որոշումներ կայացնելու և ռազմարդյունաբերական համագործակցության մեկնարկային քայլերի իրականացման մասին:

Համագործակցությունը վերաբերում է մասնավորապես անօդաչու թռչող սարքերի (ԱԹՍ), ցամաքային համակարգերի, սիմուլյացիոն տեխնոլոգիաների արդյունաբերությանն ու թեստավորման կենտրոնների ձևավորմանը:

Թուրքիայի արդյունաբերության և տեխնոլոգիաների նախարար Ֆաթիհ Քաջըրը նշել է, որ ընդունված որոշումները նպաստելու են երկու երկրների ոլորտային համագորակցության զարգացմանը:

Նախարարը նաև հայտարարել է, որ 2025-ը նշվելու է որպես «Թուրքիա-Հունգարիա գիտական և ինովացիոն տարի» ու հավելել, որ այդ շրջանակներում նախատեսում է մեկնել Հունգարիա:

Ընդունված որոշումների մասով իր գոհունակությունն է հայտնել Հունգարիայի պաշտպանության նախարարը՝ ընդգծելով, որ Թուրքիան «ՆԱՏՕ»-ում 2-րդ մեծ բանակն ունեցող պետություն է:

Նշենք, որ 2023-ի դեկտեմբերի 18-ին էր Թուրքիայի նախագահ Ռեջեփ Թայիփ Էրդողանի և Հունգարիայի վարչապետ Վիկտոր Օրբանի գլխավորությամբ ստորագրվել 17 կետանոց համագորածկցության համաձայնագիր, որում, ի թիվս այլ ոլորտներին, ռազմարդյունաբերության ոլորտին վերաբերող կետ ևս ներառված էր:

Աղբյուր` Gazetebanka.com