Ֆիդանը Ֆրանսիայում կներկայացնի թուրքական կողմի սպասելիքները

Քաղաքական17:03, 02 Ապրիլ 2025

Ֆիդանը Ֆրանսիայում կներկայացնի թուրքական կողմի սպասելիքները

Ապրիլի 2-ին Թուրքիայի արտգործնախարար Հաքան Ֆիդանը լինելու է Ֆրանսիայում, որտեղ հանդիպելու է ֆրանսիացի իր գործընկերոջ Ժան-Նոել Բարոյի հետ:

Հանդիպման ընթացքում երկկողմ հարաբերություններին զուգահեռ քննարկվելու են Թուրքիա-Եվրամիություն հարաբերություններին, Եվրոպայի անվտանգությանը, ռուս-ուկրաինական պատերազմին, Պաղեստինի Գազայի հատվածին և Սիրիային վերաբերող հարցեր:

Ֆիդանը Բարոյին է ներկայացնելու ռազմարդյունաբերության ոլորտում համագործակցության կարևորության և արտահանումների կասեցումների վերացման վերաբերյալ թուրքական կողմի ունեցած դիրքորոշումները:

Թուրքիայի արտգործնախարարը նաև շեշտելու է թուրքական կողմի ակնկալիքները Սիրիայում «Քուրդիստանի բանվորական կուսակցության» (ՔԲԿ-PKK) գործունեությունը վերջ տալու և «Իսլամական պետություն» (DEAŞ) ահաբեկչական խմբավորման դեմ պայքարի հարցում օգնություն ստանալու ակնկալիքները:

Թուրքական մամուլում հանդիպմանն ընդառաջ տարածվող լուրերը հիմնականում վերնագրվում են հետևյալ կերպ. «Նոր փուլ Թուրքիա-Ֆրանսիա հարաբերություններում»:

Աղբյուր` Milliyet.com.tr