Թուրքիայի առևտրի նախարար. «ԱՄՆ-ի մաքսատուրքերը Թուրքիայի համար չարյաց փոքրագույնն են»

Տնտեսական12:08, 04 Ապրիլ 2025

Թուրքիայի առևտրի նախարար. «ԱՄՆ-ի մաքսատուրքերը Թուրքիայի համար չարյաց փոքրագույնն են»

Թուրքիայի առևտրի նախարար Օմեր Բոլաթն անդրադարձել է ԱՄՆ-ի կողմից սահմանած մաքսատուրքերին։

Նախարարը նշել է, որ ԱՄՆ-ն սահմանել է բոլոր երկրների համար կիրառվող լրացուցիչ մաքսային հարկի նվազագույն դրույքաչափը՝ 10% և Թուրքիան գտնվում է ամենացածր հավելյալ հարկեր ունեցող երկրների խմբում։

Բոլաթը մասնավորապես նշել է, որ ԱՄՆ-ի սահմանած մաքսատուրքերը իրենք համարում են Թուրքիայի համարչարյաց փոքրագույնը։

Անդրադառնալով տնտեսական հարաբերություններին՝ Բոլաթը նշել է, որ նոր կառավարության հետ քննարկում են առևտրի ծավալները 100 մլրդ դոլարի հասցնելու քայլերը։

Բացի այդ նախարարն ընդգծել է, որ 2024-ին երկու երկրների միջև արտաքին առևտրում ԱՄՆ-ի օգտին եղել է 2․4 միլիարդ դոլարի ավելցուկ ու այդ հարցը Թուրքիան ցանկանում է քննարկել ԱՄՆ առևտրի նախարարության և առևտրի ներկայացուցչի հետ և վերացնել Թուրքիայից ԱՄՆ արտահանվող ապրանքների 10% հավելյալ մաքսատուրքերը:

Աղբյուր` ntv.com.tr