Թուրքիայի ԱԳՆ. «Իսրայելն ապակայունացնում է տարածաշրջանը»

Քաղաքական10:03, 04 Ապրիլ 2025

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիայի արտաքին գործերի նախարարությունը խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները և արձագանքել տարածաշրջանում այդ երկրի կողմից իրականացվող գործողություններին:

Հայտարարության մեջ ընդգծվել է, որ դրանք չեն կարող քողարկել Իսրայելի կողմից Պաղեստինի Գազայի հատվածում իրականացվող «ցեղասպանությունը», Պաղեստինի ժողովրդի դեմ մղվող լայնածավալ պատերազմը, Արևմտյան ափի բռնազավթման քաղաքականությունը, ինչպես նաև Սիրիայի և Լիբանանի դեմ հարձակումների ընդլայնվող բնույթը։

Հայտարարությամբ Իսրայելի կառավարությունը մեղադրվել է «արմատական և ռասիստական» քաղաքականություն վարելու մեջ: Շեշտվել է, որ այդ քաղաքականությունը սպառնում է ոչ միայն տարածաշրջանի անվտանգությանը, այլև ուղղակիորեն խարխլում է խաղաղության հաստատման ջանքերը:

Թուրքիայի ԱԳՆ-ն ընդգծել է, որ Իսրայելը դարձել է տարածաշրջանի անվտանգության գլխավոր սպառնալիքը՝ իր տարածողական քաղաքականությամբ խաթարելով տարածաշրջանի երկրների տարածքային ամբողջականությունը և ազգային միասնությունը։

Հայտարարության մեջ կոչ է արվում միջազգային հանրությանը պատասխանատվություն վերցնել կանխելու Իսրայելի «անսանձ ագրեսիան»:

Ըստ Թուրքիայի ԱԳՆ-ի՝ Իսրայելը պետք է դադարեցնի իր բռնազավթողական քաղաքականությունը, դուրս բերի իր զորքերը օկուպացված տարածքներից և դադարի խոչընդոտել Սիրիայում և Լիբանանում խաղաղության հաստատման գործընթացը։

«Թել Ավիվի կառավարությունը որպես տարածաշրջանի «ռազմավարական ապակայունացնող» թե՛ քաոսի պատճառ է և թե՛ սնուցում է ահաբեկչությանը»,-ասվել է գերատեսչության հայտարարության մեջ:

Աղբյուր` Trthaber.com