Թուրքիան Բաքվին ուզում է տեսնել որպես Հարավային Կովկասի «խաղաղության ճարտարապետ»

Քաղաքական14:27, 11 Ապրիլ 2025

Թուրքիան Բաքվին ուզում է տեսնել որպես Հարավային Կովկասի «խաղաղության ճարտարապետ»

Անթալիայի դիվանագիտական ֆորումի (ԱԴՖ) շրջանակներում կայացել է Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի հանդիպումը։ Նշվում է, որ հանդիպումն անցել է մամուլի համար փակ ռեժիմով։

Հանդիպման ընթացքում նախագահները քննարկել են երկկողմ հարաբերությունները, տարածաշրջանային և գլոբալ հարցեր։

Էրդողանը հայտնել է, որ Թուրքիան ու Ադրբեջանը հատկապես էներգետիկ, տրանսպորտային և ռազմարդյունաբերական ոլորտներում կշարունակեն քայլեր ձեռնարկել համագործակցությունն ամրապնդելու ուղղությամբ։

Անդրադառնալով Հայաստանի և Ադրբեջանի միջև խաղաղության գործընթացին՝ Էրդողանը նշել է, որ այն գոհացուցիչ է։

Թուրքիայի նախագահը նաև հավելել է, որ Թուրքիան Ադրբեջանին ցանկանում է տեսնել որպես Հարավային Կովկասում «խաղաղության ճարտարապետ»։

Էրդողանը նաև հավելել է, որ Թուրքիան Հայաստանի հետ հարաբերությունների կարգավորման գործընթացին ևս ուշադրությամբ հետևում է։

Աղբյուր` https://x.com/iletisim