Թուրքիայի և Սիրիայի միջև էներգետիկ համաձայնագիր կկնքվի

Տնտեսական12:42, 05 Մայիս 2025

Թուրքիայի և Սիրիայի միջև էներգետիկ համաձայնագիր կկնքվի

Սիրիայի էներգետիկայի նախարար Մոհամմեդ Բաշիրը հայտարարել է, որ Դամասկոսը շուտով էներգետիկ համաձայնագիր կստորագրի Թուրքիայի հետ։ Ըստ այդ համաձայնագրի՝ Թուրքիայից Սիրիա կմատակարարվի 400 կիլովոլտ հզորությամբ էլեկտրաէներգիա։ Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու երկու նոր գծերի վրա։

Սիրիայի պետական «SANA» լրատվամիջոցի նշմամբ՝ այդ գազատարը թույլ կտա օրական 6 մլն խորանարդ մետր գազ մատակարարել Սիրիայի էլեկտրակայաններին, ինչը կնպաստի Սիրիայի էներգետիկ իրավիճակի բարելավմանը։

Բաշիրը նաև նշել է, որ բացի այդ Սիրիայում կարող են ներդրումներ կատարվել նավթի և բնական գազի հետախուզման, վերամշակման և փոխադրման, էլեկտրահաղորդման գծերի և էլեկտրաէներգիայի արտադրության կայանների վերականգնման, ինչպես նաև նավթավերամշակման գործարանների վերակառուցման ոլորտներում։

Անդրադառնալով կնքվելիք համաձայնագրին՝ Թուրքիայի էներգետիկայի և բնական պաշարների նախարար Ալփարսլան Բայրաքթարը ընդգծել է, որ Սիրիայի և Լիբանանի էլեկտրաէներգիայի կարիքները առաջին փուլում կարող են բավարարվել Թուրքիայից։

Աղբյուր` barandergisi.net