ԱՄՆ պետքարտուղարը կմասնակցի Ստամբուլում ռուս-ուկրաինական հնարավոր բանակցություններին

Քաղաքական10:29, 14 Մայիս 2025

ԱՄՆ պետքարտուղարը կմասնակցի Ստամբուլում ռուս-ուկրաինական հնարավոր բանակցություններին

Թուրքական մեդիայում տարածվող լուրերի համաձայն՝ մայիսի 15-ին Ստամբուլում կայանալիք հնարավոր ռուս-ուկրաինական բանակցություններին կմասնակցեն նաև ԱՄՆ պետպաշտոնյաներ:

Մասնավորապես նշվում է, որ հանդիպմանը մասնակցելու նպատակով Ստամբուլ են մեկնելու ԱՄՆ նախագահ Դոնալդ Թրամփի՝ Մերձավոր Արևելքի հարցերով հատուկ ներկայացուցիչ Սթիվ Վիթքոֆն ու Ուկրաինայի և Ռուսաստանի հարցերով ԱՄՆ-ի հատուկ ներկայացուցիչ Քեյթ Քելլոգը:

Ընդգծվում նաև, որ դեռևս հայտնի չէ Թրամփը կլինի պատվիրակության անդամների թվում, թե ոչ:

Այս համատեքստում Քելլոգը նշում է, որ ԱՄՆ նախագահի՝ անձամբ Ստամբուլ մեկնումը կախված է ՌԴ նախագահ Վլադիմիր Պուտինի այնտեղ լինել չլինելուց:

«Մենք հույս ունենք, որ Պուտինը կգա Ստամբուլ: Այդ ժամանակ Թրամփն էլ այնտեղ կլինի: Նրա հետ շատ լավ հանդիպում կարող է ստացվել»,-հավելել է նա:

Զուգահեռ տարածվում են նաև անձամբ Դոնադ Թրամփի հայտարարություննները, որի համաձայն՝ Ստամբուլ է գործուղվելու նաև ԱՄՆ պետքարտուղար Մարկո Ռուբիոն:

Հիշեցնենք, որ Զելենսկին ավելի վաղ, ի պատասխան Պուտինի՝ Ստամբուլում ռուս-ուկրաինական բանակցությունները վերսկսելու առաջարկի, հայտարարել էր, որ մայիսի 15-ին լինելու է Ստամբուլում և ակնկալելու է հանդիպել Պուտինի հետ:

Երբ արդեն Էրդողանը հանդիպումը կազմակերպելու համար ՌԴ նախագահին հայտնեց իր պատրաստակամությունը, ԱՄՆ նախագահ Դոնալդ Թրամփը չբացառեց իր մեկնումը Ստամբուլ:

«Եթե կարծեմ, որ Թուրքիայի հանդիպումն արդյունավետ է լինելու, հնարավոր է մեկնեմ այնտեղ (Ստամբուլ)»:

Աղբյուր` Ntv.com