Էրդողանն առցանց հանդիպում է ունեցել ԱՄՆ-ի, Սաուդիան Արաբիայի և Սիրիայի ղեկավարների հետ

Քաղաքական15:05, 14 Մայիս 2025

Էրդողանն առցանց հանդիպում է ունեցել ԱՄՆ-ի, Սաուդիան Արաբիայի և Սիրիայի ղեկավարների հետ

Թուրքիայի նախագահ Ռեջեփ Թայիփ Էրդողանն առցանց հանդիպել է ԱՄՆ նախագահ Դոնալդ Թրամփի, Սաուդիան Արաբիայի թագաժառանգ Մուհամեդ բին Սալմանի և Սիրիայի նախագահ Ահմեդ Շարայի հետ:

Ինչպես հայտնում է Թուրքիայի պետական «Anadolu» լրատվական գործակալությունը, Էրդողանը պատմական է որակել Սիրիայի նկատմամբ պատժամիջոցների վերացման մասին Թրամփի որոշումը և հավելել, որ այն կարող է նաև օրինակ լինել Սրիայի դեմ պատժամիջոց սահմանած այլ երկրների համար:

Թուրքիայի նախագահը նշել է, որ իրենք շարունակելու են Դամասկոսին աջակցել ահաբեկչական կազմակերպությունների և հատկապես «Իսլամական պետություն» (İŞİD) ահաբեկչական խմբավորման դեմ պայքարում:

Բացի այդ Էրդողանն անդրադարձել է Պաղեստինի Գազայի հատվածում տիրող իրավիճակին և տեղեկացրել, որ այնտեղ բռնությունը կանգնեցնելու նպատակով Թուրքիան շարունակում է քայլեր ձեռնարկել:

«Ժամանակն է վերջ դնել Գազայում առկա հումանիտար աղետին»,- եզրափակել է նա:

Նշենք, որ Թրամփը սանկցիաների վերացման մասին հայտարարել էր մայիսի 13-ին: Հայտարարության ԱՄՆ նախագահը հիշատակել էր, որ այդպիսի խնդրանքով իրեն դիմել են Էրդողանն ու «Մերձավոր Արևելքի այլ ընկերներ»:

Աղբյուր` Diken.com.tr