Ֆիդանն աշխատանքային ճաշ է ունեցել ՆԱՏՕ-ի գլխավոր քարտուղարի հետ

Քաղաքական11:46, 14 Մայիս 2025

Ֆիդանն աշխատանքային ճաշ է ունեցել ՆԱՏՕ-ի գլխավոր քարտուղարի հետ

Թուրքիայի արտգործնախարար Հաքան Ֆիդանը մայիսի 13-ին հանդիպել է «Հյուսիսատլանտյան դաշինքի» (ՆԱՏՕ) գլխավոր քարտուղար Մարկ Ռուտտեին:

Թուրքիայի արտաքին քաղաքական գերատեսչության ղեկավարի ունեցած հանդիպման մասին տեղեկությունը տարածվել է նախարարության սոցիալական հաշվից:

Ըստ այդմ՝ կողմերը աշխատանքային ճաշ են ունեցել նախքան մայիսի 14-ից 15-ն Անկարայում կայանալիք ՆԱՏՕ անդամ երկրների արտգործնախարարների ոչ պաշտոնական հավաքը:

Պաշտոնական աղբյուրներում նախարարների քննարկումների մասին մանրամասներ չեն հրապարակվում:

Հիշեցնենք, որ Ռուտտեն նույն օրը հանդիպում էր ունեցել նաև Թուրքիայի նախագահ Ռեջեփ Թայիփ Էրդողանի հետ, ինչի ընթացքում քննարկվել էին ՆԱՏՕ-Թուրքիա հարաբերությունները, ինչպես նաև տարածաշրջանային և համաշխարհային նշանակության հարցեր:

Անդրադարձ էր կատարվել Ստամբուլում մայիսի 15-ին կայանալիք ռուս-ուկրաինական հնարավոր բանակցություններին:

Հանդիպմանը Թուրքիայի արտգործնախարարը ևս ներկա էր եղել:

Աղբյուր` Trthaber.com