Հնդկաստանում ուժեղանում է բոյկոտը թուրքական ապրանքների դեմ

Տնտեսական13:28, 20 Մայիս 2025

Հնդկաստանում ուժեղանում է բոյկոտը թուրքական ապրանքների դեմ

Հնդկաստանը թուրքական ապրանքների դեմ անժամկետ և լայնածավալ բոյկոտ է սկսել։ Մասնավորապես Հնդկաստանի դիստրիբյուտորների ֆեդերացիան՝ «AICPDF»-ը, որոշում է կայացրել թուրքական մի շարք ապրանքներ՝ շոկոլադ, թխվածքաբլիթներ, մուրաբա, խնամքի միջոցներ, հանել հնդկական շուկայից։

Հաշվարկվում է, որ «AICPDF»-ի կողմից հայտարարված շուկայական բոյկոտը կընդգրկի ընդհանուր առմամբ 234 մլն դոլար արժողությամբ ապրանքներ։ Հնդկաստանի կողմից սկսված բոյկոտը կարող է լուրջ վնաս հասցնել երկու երկրների միջև առևտրաշրջանառությանը։

Նշենք, որ Հնդկաստանը տարեկան Թուրքիայից ներմուծում է մոտ 2.7 մլրդ դոլարի ապրանք և այդ ներմուծման մեծ մասը բաղկացած է վառելիքից և թանկարժեք մետաղներից։ Տեքստիլ արդյունաբերության ոլորտում Հնդկաստանի ներմուծումը Թուրքիայից 2024-ին կազմել էր 81 մլն դոլար։

Հիշեցնենք, որ նախորդիվ Հնդկաստանը բոյկոտել էր նաև էլեկտրոնային հարթակներում թուրքական արտադրության մի շարք ապրանքանիշների հագուստը, Թուրքիայից ներմուծվող միրգ-բանջարեղենը։

Աղբյուր` ekoturk.com