Քաղաքական11:07, 21 Մայիս 2025
ԱՄՆ-ի և Թուրքիայի ամուր հարաբերությունները նոր դարաշրջանում են
ԱՄՆ Պետքարտուղարության մամուլի խոսնակ Թեմի Բրյուսին գրավոր հայտարարություն է տարածել Վաշինգտոնում կայացած թուրք-ամերիկյան աշխատանքային խմբի հանդիպման վերաբերյալ։ Հանդիպման օրակարգում եղել է Սիրիայի հարցը։
Բրյուսին նշել է, որ հանդիպել են ԱՄՆ պետքարտուղարի տեղակալ Քրիստոֆեր Լանդաուն և Թուրքիայի փոխարտգործնախարար Նուհ Յըլմազը։ Լանդաուն նշել է, որ ԱՄՆ-ի և Թուրքիայի միջև ամուր երկկողմ հարաբերությունները նոր դարաշրջանում են և ընդգծել, որ երկուստեք համագործակցությունը լայնորեն ընդլայնվել է՝ համապատասխանելով խաղաղության և առևտրի նպատակներին։
Հայտարարության մեջ նաև նշվում է, որ կողմերը քննարկել են ԱՄՆ նախագահ Դոնալդ Թրամփի՝ Սիրիայի նկատմամբ պատժամիջոցների մեղմացման հարցը, ինչպես նաև շեշտել են, որ պետք է պահպանվի Սիրիայի տարածքային ամբողջականությունը։
Սիրիայի հարցով թուրք-ամերիկյան աշխատանքային խմբի հայտարարության մեջ էլ նշվում է, որ Թուրքիան և ԱՄՆ-ն կիսում են կայուն Սիրիայի տեսլականը, որը ենթադրում է խաղաղություն նաև հարևան շրջանների հետ։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |