Անկարայում մեկնարկել է այսպես կոչված «Արևմտյան Ադրբեջանի» կոնֆերանսը

Քաղաքական16:14, 21 Մայիս 2025

Անկարայում մեկնարկել է այսպես կոչված «Արևմտյան Ադրբեջանի» կոնֆերանսը

Անկարայում մեկնարկել է այսպես կոչված «Արևմտյան Ադրբեջան վերադարձը որպես մարդու իրավունքների գերակայության կարևոր նախապայման» խորագրով միջազգային կոնֆերանսը։

Միջոցառումը կազմակերպվել են այսպես կոչված «Արևմտյան Ադրբեջան» համայնքը և Ադրբեջանի թուրքական տան կողմից։

Կոնֆերանսին մասնակցել են Թուրքիայում իշխող «Արդարություն և զարգացում կուսակցության» (ԱԶԿ-AKP) փոխնախագահ Էֆքան Ալան, ինչպես նաև Ադրբեջանի նախագահի վարչակազմի ներկայացուցիչ Ադալեթ Վելիևը, ով ընթերցել է Իլհամ Ալիևի ուղերձը։

Ալիևը նշել է, որ այսպես կոչված «Արևմտյան Ադրբեջանից» աքսորված ադրբեջանցիների անվտանգ վերադարձը կարևոր նախապայման է տարածաշրջանում խաղաղության հաստատման համար։

Ադրբեջանի նախագահը նաև հերթական անգամ սին մեղադրանքներ է հնչեցրել Հայաստանի դեն: Մեղադրել է իբր «էթնիկ զտումներ իրականացնելու, մշակութային ժառանգությունը ոչնչացնելու» և այսպես կոչված «Արևմտյան Ադրբեջան» ադրբեջանցիների վերադարձը խոչընդոտելու մեջ։

Աղբյուր` Yirmidort.tv