Ֆիդանն ու Լավրովը հեռախոսազրույց են ունեցել

Տարածաշրջան11:18, 16 Հունիս 2025

Ֆիդանն ու Լավրովը հեռախոսազրույց են ունեցել

Թուրքիայի արտաքին գործերի նախարար Հաքան Ֆիդանն ու և Ռուսաստանի արտգործնախարար Սերգեյ Լավրովը հեռախոսազրույց են ունեցել։

Նախարարները քննարկվել են Իսրայել-Իրան առճակատումը և շարունակվող լարվածության հնարավոր գլոբալ ու տարածաշրջանային հետևանքները։

Ֆիդանը նշել է, որ զարգացումները մտահոգիչ են և բախումների դադարեցման ու Իրանի միջուկային գործողությունների հետ կապված տարաձայնության լուծման համար միակ ճանապարհը դիվանագիտությունն է։

Հավելենք, որ Ֆիդանը նաև հեռախոսազրույց է ունեցել Մեծ Բրիտանիայի արտաքին գործերի նախարար Դեյվիդ Լամիի հետ։ Հեռախոսազրույցի ընթացքում արտգործնախարարները քննարկել են Իսրայելի և Իրանի միջև հակամարտությունը և Ֆիդանը մտահոգություն է հայտնել, որ իրավիճակը կարող է վերածվել ավելի մեծ ճգնաժամի։

Թուրքիայի արտգործնախարարը նաև ընդգծել է, որ հակամարտությունը հնարավորինս շուտ դադարեցնելու համար պետք է ակտիվացնել դիվանագիտական ջանքերը ու անհապաղ վերսկսել միջուկային բանակցությունները։

Աղբյուր` trthaber.com