Փաշինյանն ու Էրդողանը քննարկել են հայ-թուրքական շփումները

Տարածաշրջան22:03, 20 Հունիս 2025

Փաշինյանն ու Էրդողանը քննարկել են հայ-թուրքական շփումները

Թուրքիայի նախագահի աշխատակազմի հանրային կապերի վարչությունը հաղորդագրություն է տարածել Էրդողան-Փաշինյան հանդիպման վերաբերյալ։

Նշվում է, որ պաշտոնական ընդունելությունից հետո Թուրքիյաի նախագահ Ռեջեփ Թայիփ Էրդողանն ու Հայաստանի վարչապետ Նիկոլ Փաշինյանը միմյանց են ներկայացրել պատվիրակությունների անդամներին։

Հանդիպման ընթացքում քննարկվել են Թուրքիայի և Հայաստանի միջև շփումները, ինչպես նաև Հարավային Կովկասում խաղաղության ու երկխոսության գործընթացը և տարածաշրջանին վերաբերող ընթացիկ զարգացումները։

Էրդողանը կարևորել է ներկա իրավիճակում Ադրբեջանի և Հայաստանի միջև խաղաղ բանակցություններում ձեռք բերված համաձայնությունը։ Նա նշել է, որ Թուրքիան շարունակելու է ամեն կերպ աջակցել տարածաշրջանի զարգացմանն ուղղված ջանքերին՝ հիմնված փոխշահավետության(win-win) սկզբունքի վրա։

Հանդիպմանը քննարկվել են նաև Թուրքիայի և Հայաստանի միջև հարաբերությունների կարգավորմանն ուղղված հնարավոր քայլերը համապատասխան գործընթացի շրջանակներում։

Աղբյուր` trthaber.com