Կիպրոսը Թուրքիայի զորավարժությունների դեմ բողոք է ներկայացրել ՄԱԿ-ին

Քաղաքական14:11, 03 Հուլիս 2025

Կիպրոսը Թուրքիայի զորավարժությունների դեմ բողոք է ներկայացրել ՄԱԿ-ին

ՄԱԿ-ում Կիպրոսի Հանրապետության մշտական ներկայացուցիչ Մարիլա Միխայիլը Թուրքիայի դեմ բողոք է ներկայացրել ՄԱԿ-ին։ Պատճառը 2024 թվականի 2-րդ կիսամյակում Թուրքիայի ձեռնարկած գործողությունն են, այդ թվում՝ զորավարժությունները։ Միխայիլն իր բողոք-նամակում Թուրքիային մեղադրել է միջազգային իրավունքի խախտման մեջ:

«Fileleftheros» թերթի տվյալներով՝ Միխայիլը պնդել է, որ Թուրքիան 2024թ. հուլիս-դեկտեմբեր ժամանակահատվածում Կիպրոսի Հանրապետության օդային տարածքում կատարել է 989 խախտում, իսկ ծովային գոտում՝ 45: Օդային խախտումներից 264-ը կատարվել է անօդաչու թռչող սարքերի միջոցով:

Կիպրոսի ներկայացուցչի գնահատմամբ՝ այդ գործողությունները «խախտում են Կիպրոսի Հանրապետության ինքնիշխանությունը, անկախությունը և տարածքային ամբողջականությունը»:

Բողոքի մեջ նաև քննադատության է ենթարկվել Թուրքիայի գործունեությունը Մարաշի փակ գոտում: Կիպրոսի ներկայացուցիչը շեշտել է, որ Թուրքիայի գործողությունները խաթարում են կայունությունը, խաղաղությունը և ՄԱԿ Անվտանգության խորհրդի որոշումների շրջանակներում կիպրական խնդրի արդարացի լուծման հեռանկարները:

Աղբյուր` www.kibrispostasi.com