Քաղաքական10:48, 04 Հուլիս 2025
Էրդողանը մեկնել է Ստեփանակերտ
Թուրքիայի նախագահ Ռեջեփ Թայիփ Էրդողանի գլխավորած պատվիրակությունը «Տնտեսական համագործակցության կազմակերպության» 17-րդ գագաթնաժողովին մասնակցելու համար այսօր մեկնել է Ստեփանակերտ։
Նշվում է, որ Էրդողանը գագաթնաժողովում անցկացվելիք հանդիպումներում և ելույթում կանդրադառնա տարածաշրջանային և գլոբալ հարցերի։ Մասնավորապես ընդգծելու է Պաղեստինից սկսված և վերջերս Իրանի վրա տարածված Իսրայելի «ագրեսիայի դեմ միասնական դիրքորոշում ցուցաբերելու» կարևորությունը։
Էրդողանը նաև անդրադառնալու է Թուրքիայի՝ տարածաշրջանում և աշխարհում «խաղաղություն և կայունություն» հաստատելու ջանքերին:
Գագաթնաժողովին մասնակցելու են անդամ պետությունների նախագահները և կառավարությունների ղեկավարները, ինչպես նաև դիտորդները, այդ թվում՝ Հյուսիսային Կիպրոսի ինքնահռչակ թուրքական հանրապետությունը (ՀԿԹՀ), և միջազգային կազմակերպությունների ներկայացուցիչներ։
Ավելի վաղ Թուրքիայի նախագահականի հանրային կապերի վարչության ղեկավար Ֆահրեթթին Ալթունը X-ի իր միկրոբլոգում գրել էր.
«Ադրբեջանի Խանքենդի քաղաքում «Տնտեսական համագործակցության կազմակերպության նոր տեսլականը՝ կայուն և կլիմայական պայմաններին դիմակայուն ապագայի համար» խորագրի ներքո անցկացվելիք գագաթնաժողովին մտքեր են փոխանակվելու կլիմայական փոփոխության, առևտրի, տրանսպորտային ցանցերի և կազմակերպության ռեֆորմի հարցերի, ինչպես նաև անդամ երկրների միջև համագործակցության շուրջ»։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |