Ֆիդանը հանդիպել է ՌԴ արտգործնախարարի և ՄԱԿ-ի գլխավոր քարտուղարի հետ

Քաղաքական09:45, 08 Հուլիս 2025

Ֆիդանը հանդիպել է ՌԴ արտգործնախարարի և ՄԱԿ-ի գլխավոր քարտուղարի հետ

Բրազիլիայի Ռիո դե Ժանեյրո քաղաքում անցկացված «BRICS»-ի անդամ երկրների առաջնորդների 17-րդ գագաթնաժողովի շրջանակներում Թուրքիայի արտգործնախարար Հաքան Ֆիդանը հանդիպել է ռուսաստանցի իր գործընկեր Սերգեյ Լավրովի և ՄԱԿ-ի գլխավոր քարտուղար Անտոնիո Գուտերեշի հետ:

Լավրովի հետ հանդիպման օրակարգում եղել են երկկողմ քաղաքականությանը և տնտեսական ու էներգետիկ ոլորտում առկա համագործակցությանը վերաբերող հարցեր:

Անդրադարձ է կատարվել Իսրայելի քաղաքականությանը, Գազայի շուրջ տիրող իրավիճակին, Իրանի միջուկային գործունեությանը, Աֆղանիստանում առկա դրությանը, ինչպես նաև տարածաշրջանային մի շարք այլ հարցերի:

Ֆիդան-Գուտերեշ հանդիպմանն էլ քննարկվել են Ուկրաինայում և Մերձավոր Արևելքում տեղի ունեցող իրադարձությունները և Կիպրոսի հարցի շուրջ կայանալիք ոչ պաշտոնական հանդիպմանը վերաբերող հարցեր: Անդրադարձ է կատարվել նաև կլիմայական խնդիրների:

Նշենք, որ ավելի վաղ ՄԱԿ-ը հայտարարել էր, որ հուլիսի 16-ից 17-ը ՄԱԿ-ի՝ Նյու Յորքում գտնվող գլխավոր գրասենյակում Կիպրոսի հարցով կողմերի ոչ պաշտոնական հանդիպում կկայանա:

Աղբյուր` Aa.com.tr