Տնտեսական12:38, 18 Հուլիս 2025
Թուրքիան և Մեծ Բրիտանիան մտադիր են ստեղծել ազատ առևտրի գոտի
Թուրքիայի առևտրի նախարարությունը հայտարարել է, որ Մեծ Բրիտանիայի հետ ազատ առևտրային գոտու համաձայնագրի շուրջ տարվող բանակցությունների առաջին փուլը հաջողությամբ ավարտված է:
Նշվել է, որ Մեծ Բրիտանիայի հետ ազատ առևտրային գոտի ստեղծելու նպատակով մի շարք ծայրահեղ կարևորության հարցեր են քննարկվել, այդ թվում՝ գյուղատնտեսական ապրանքների մուտքը նոր շուկա ապահովելու հարցը:
Նախարարության համապատասխան հայտարարության մեջ ասվել է, որ հեշտացվելու է երկու երկրների միջև առևտուրը, ինչպես նաև պարզեցվելու են թվային և ավանդական միջոցներով իրականացվող անցակետային գործառույթները:
Ներկայացվել են նաև երկու երկրների առևտրային հարաբերություններին վերաբերող տվյալներ, որոնց համաձայն՝ Մեծ Բրիտանիան Թուրքիայի 7-րդ ամենամեծ առևտրային գործընկերն է:
Կողմերի միջև թեմայի շուրջ հաջորդ քննարկումը նախատեսվում է իրականացնել մինչև 2025-ի ավարտ:
Նշենք, որ ազատ առևտրային գոտու համաձայնագրի շուրջ քննարկումները շարունակվել են Անկարայում՝ մայիսին Թուրքիայի առևտրի նախարար Օմեր Բոլաթի Մեծ Բրիտանիա կատարած այցի և այնտեղ իր գործընկերոջ հետ ունեցած հանդիպման արդյունքում ձերք բերված համաձայնության շնորհիվ:
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Երկրները միմյանց կտրամադրեն հնարավորինս լիարժեք տեղեկություն։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |