Իսրայելում մտահոգված են, որ թուրքական նոր հրթիռները կարող են հասնել Իսրայելի բոլոր քաղաքներ

Քաղաքական12:49, 24 Հուլիս 2025

Իսրայելում մտահոգված են, որ թուրքական նոր հրթիռները կարող են հասնել Իսրայելի բոլոր քաղաքներ

Թուրքիայի նոր «Tayfun Blok-4» բալիստիկ հրթիռի ներկայացումը Իսրայելում անվտանգային մտահոգություններ է առաջացրել: Հրեա թուրքագետ դոկտոր Հայ Էյթան Քոհեն Յանարոջակն իսրայելական հեռուստաեթերում նշել է, որ թուրքական նոր հրթիռն անվտանգային սպառնալիք է ստեղծում Իսրայելի համար:

Հրեա մասնագետը շեշտել է, որ թուրքական բալիստիկ հրթիռի նախորդ տարբերակն ուղղված էր Աթենքի դեմ և սպառնալիք էր Հունաստանի և Հայաստանի համար։ Իսկ հիմա այն սպառնալիք է ողջ տարածաշրջանի, այդ թվում՝ Իսրայելի համար։

Յանարոջակը նաև նշել է, որ Թուրքիան օգտագործում է Իրանի հետ հակամարտությունից ստացած դասերը:

«Թուրքիան այժմ ուղղված է ուժի ցուցադրմանը և ոչ միայն դասեր է քաղում Իրանի հետ տեղի ունեցող բախումներից, այլև ստեղծում է նոր զսպման մակարդակ»։

Մասնագետի գնահատմամբ՝ Թուրքիայի նոր հրթիռները մոտ 1800 կմ հեռահարություն կունենան, մինչդեռ ներկայումս օգտագործվող հրթիռները 560 կմ են հասնում: Յանարոջակը նշել է, որ եթե այս հրթիռները տեղադրվեն Թուրքիայի հարավում, ապա կարող են հասնել նույնիսկ Բեեր-Շևա քաղաքին, ինչը նշանակում է, որ կարող է ծածկել ամբողջ Իսրայելը:

Աղբյուր` www.milliyet.com.tr