Ֆիդան. «Թուրքիան հավատարիմ է ԵՄ անդակացության գործըթնացին»

Քաղաքական11:13, 29 Հուլիս 2025

Ֆիդան. «Թուրքիան հավատարիմ է ԵՄ անդակացության գործըթնացին»

Թուրքիայի արտգործնախարար Հաքան Ֆիդանը հանդիպել է ընդլայնման համար պատասխանատու Եվրահանձնաժողովի անդամ Մարթա Քոսի հետ:

Հանդիպումից հետո Թուրքիայի արտաքին քաղաքական գերատեսչությունը հրապարակել է համատեղ հաղորդագրություն:

Հաղորդագրության մեջ ասվել է, որ հանդիպումը կայացել է կրկին կարևորելու Թուրքիայի ԵՄ անդամակցության կարգավիճակը, ինչպես նաև տարածաշրջանում կայունության հաստատման համար Թուրքիայի ունեցած դերակատարումը:

Նշվել է, որ կողմերը ռազմավարական համագործակցության տեսլականի համատեքստում կենտրոնացել են առևտրի, էներգետիկայի, տրանսպորտի և թվայնացման, ինչպես նաև ԵՄ-ի սևծովյան ռազմավարության ու Եվրոպան Միջին Ասիայի հետ կապող ծրագրերի վրա:

Հաղորդագրության մեջ ասվել է նաև, որ Ֆիդանը անհապաղ անհրաժեշտություն է համարել ընդլայնման քաղաքականության հարցում վստահելիությունն ու սկզբունքայնությունը:

Նա ընդգծել է, որ բոլոր թեկնածու երկրների նկատմամբ պետք է արդար վարվելակերպ դրսևորվի և որ գործընթացը պետք է հիմնվի միայն արժանիքների և օբյեկտիվ չափանիշների վրա:

Թուրքիայի արտքաին քաղաքական գերատեսչության ղեկավարն այս ամենին զուգահեռ շեշտել է նաև Թուրքիայի հավատարմությունը ԵՄ-ին անդամակցելու գործընթացում: