Թուրքիայի կառավարության նիստ կգումարվի

Քաղաքական10:34, 29 Հուլիս 2025

Թուրքիայի կառավարության նիստ կգումարվի

Հուլիսի 28-ին Թուրքիայի կառավարությունը նիստ կգումարի: Նիստի օրակարգը «Թուրքիա առանց ահաբեկչության» խորագրի շուրջ է:

Հիմնական քննարկման թեման լինելու է Թուրքիայի կողմից ահաբեկչական ճանաչված և ինքնալուծաարման փուլում գտնվող «Քուրդիստանի բանվորական կուսակցության» (ՔԲԿ-PKK) զինաթափման մասին հայտարարությունից հետո մեկնարկած գործընթացը:

Առանձնահատուկ ուշադրություն է դարձվելու գործընթացի տարածաշրջանային արձագանքներին, հատկապես Սիրիայի ուղղությամբ։

Նիստի օրակարգում ընդգրկված է նաև գործընթացի հետագա քայլերի և Ազգային ժողովում սպասվող օրենսդրական նախաձեռնությունների քննարկումը։

Օրակարգից դուրս չի մնալու նաև Սիրիայում տիրող իրավիճակը:

Կառավարությունն անդրադառնալու է Սիրիայի տարածքային ամբողջականությանն ուղղված սպառնալիքներին և այս համատեքստում հնարավոր գործողություններին։

Ըստ պաշտոնական աղբյուրների՝ Անկարան շարունակելու է հետևողական դիրքորոշում դրսևորել Սիրիայի հարցում՝ առաջնահերթ դիտարկելով տարածաշրջանային կայունությունն ու անվտանգությունը։

Անդրադարձ է կատարվելու Թուրքիայում բռնկված անտառային հրդեհների իրավիճակին ևս:

Ներկայացվելու է վերջին օրերին Թուրքիայի տարբեր շրջաններում բռնկված անտառային հրդեհների վերաբերյալ հաշվետվություն։ Կկատարվի գործողությունների գնահատում, ինչպես նաև կքննարկվեն հրդեհների դեմ պայքարի շրջանակում իրականացվող միջոցառումները։