Ֆիդանը կմեկնի Եգիպտոս

Քաղաքական11:36, 08 Օգոստոս 2025

Ֆիդանը կմեկնի Եգիպտոս

Թուրքիայի արտգործնախարար Հաքան Ֆիդանն օգոստոսի 9-ին մեկնելու է Եգիպտոս:

Թուրքական «Trthaber» պետական լրատվական հեռուստաալիքի հաղորդմամբ՝ Ֆիդանը հանդիպում է ունենալու Եգիպտոսի նախագահ Աբդել Ֆաթթահ Ալ-Սիսիի հետ:

Օրակարգում են ինելու երկուստեք հետաքրքրություն ներկայացնող հարցերը և տարածաշրջանային զարգացումները:

Սահամնվելու են երկու երկրների միջև առկա համագործակցությունը զարգացնելուն միտված հստակ քայլեր:

Գնահատվելու է Մերձավոր Արևելքում տիրող իրավիճակը. կողմերը քննարկելու են Պաղեստինի Գազայի հատվածում իշխող «ՀԱՄԱՍ» խմբավորման և Իսրայելի միջև Եգիպտոսի, Կատարի ու ԱՄՆ-ի միջնորդությամբ ընթացքող բանակցությունները:

Անդրադարձ է կատարվելու Գազայում տեղի ունեցող իրադարձություններին, ինչպես նաև մտքեր են փոխանակվելու այդ հատված հումանիտար բեռների անխոչընդոտ մուտքն ապահովելուն միտված համատեղ քայլերի շուրջ:

Սպասվում է, որ երկկողմ հանդիպումներում ընդգծվելու է, որ Իսրայելը թիրախավորում է «երկու ժողովուրդ, երկու պետություն» լուծումը:

Շեշտվելու է, որ թե՛ այդպիսի գործողությունները և թե՛ Գազայի «բռնակցմանը» միտված վերջին իսրայելական հարձակումները տարածաշրջանային կայունության և խաղաղության ամենամեծ խոչընդոտներն են:

Կողմերը քննարկելու են նաև Նյու Յորքում հուլիսի 28-ից 30-ը Պաղեստնի հարցով կայացած միջազգային կոնֆերանսի արդյունքները: Նրանք անդրադառնալու են նաև Հարավային Աֆրիկայի, Հյուսիսային Աֆրիկայի և Սահելի գոտում, մասնավորապես, Լիբիայում, Սուդանում և Սոմալիում առկա մարտահրավերներին և քննարկելու են այն քայլերը, որոնք կարող են իրականացնել տարածաշրջանային կայունության համար:

Աղբյուր` Trthaber.com