Թուրքիան և Լեհաստանը խորացնում են կապերը ռազմարդյունաբերության ոլորտում

Ռազմական14:50, 08 Օգոստոս 2025

Թուրքիան և Լեհաստանը խորացնում են կապերը ռազմարդյունաբերության ոլորտում

Լեհաստանի պաշտպանության փոխնախարար Պավել Բեյդան հանդիպել է Վարշավայում Թուրքիայի դեսպան Ռաուֆ Ալփ Դենկթաշի հետ։ Կողմերը քննարկել են երկու երկրների միջև ռազմարդյունաբերության ոլորտում առկա համագործակցությունը և անդրադարձել գործակցության նոր ոլորտների։

Բեյդան մասնավորապես ընդգծել է Թուրքիայի կարևորությունը զինամթերքի արտադրության տեխնոլոգիաների ոլորտում և նշել, որ 120մմ և 155մմ տրամաչափի փամփուշտների արտադրության ժամանակակից տեխնոլոգիաներին տիրապետելը կբարձրացնի Լեհաստանի ռազմարդյունաբերական հզորությունը։

Թուրքական կողմն էլ նշել է, որ Լեհաստանին համարում է պատմականորեն հուսալի գործընկեր, ինչպես նաև հավելել, որ համագործակցությունը կամրապնդի իրենց դիրքերը եվրոպական շուկայում։

Հանդիպմանը կողմերը նաև գնահատել են Թուրքիայում գտնվող լեհական ռազմական ստորաբաժնման գործունեությունը, որն ընթանում է Միջերկրական և Սև ծովերում ՆԱՏՕ-ի կողմից իրականացվող գործողությունների շրջանակներում։ Կողմերը համաձայնել են ավելի խորացնել հարաբերությունները ինչպես երկկողմ, այնպես էլ ՆԱՏՕ-ի շրջանակներում։