Տնտեսական11:41, 13 Օգոստոս 2025
Թուրքիան և Վրաստանը մտադիր են առևտրաշրջանառությունը hասցնել 5 մլրդ դոլարի
Վրաստանի նախագահ Միխեիլ Կավելաշվիլին Անկարայում հանդիպել է Թուրքիայի նախագահ Ռեջեփ Թայիփ Էրդողանի հետ։ Համատեղ մամուլի ասուլիսի ընթացքում Էրդողանը նշել է, որ Թուրքիան և Վրաստանը հարևաններ լինելուց զատ ռազմավարական գործընկերներ են, որոնք կապված են խորը պատմական, մշակութային և ժողովուրդական կապերով։
Անդրադառնալով համատեղ տրանսպորտային և լոգիստիկ նախագծերին՝ Էրդողանը նշել է.
«Բաքու-Թբիլիսի-Կարս երկաթուղին, որը կազմում է Միջին միջանցքի ողնաշարը, և դրա լիարժեք շահագործումը բոլորիս համար ունի մեծ նշանակություն»։
Էրդողանը խոսել է նաև երկկողմ տնտեսական հարաբերություններից։ Նշել է, որ կողմերը կշարունակեն զարգացնել հատկապես առևտրային և ներդրումային հարաբերություններն այնպես, որ կարողանան նպաստել երկու ժողովուրդների բարօրությանը։
«Այն, որ Թուրքիան 17 տարի անընդմեջ եղել է Վրաստանի ամենամեծ առևտրային գործընկերը, հստակ ապացույցն է այն բանի, որ մեր առևտրային հարաբերությունները կառուցված են ամուր հիմքերի վրա»,- ընդգծել է Էրդողանը։
Ըստ նրա՝ երկկողմ առևտրաշրջանառությունն այժմ կազմում է 3 մլրդ դոլար։ Մտադիր են առևտրաշրջանառության ծավալը հասցնել 5 մլրդ դոլարի։
Կավելաշվիլին էլ հայտնել է, որ Թուրքիան Վրաստանի թիվ մեկ առևտրային գործընկերն է և Էրդողանի հետ հանդիպման ընթացքում քննարկել առևտրային հարաբերությունների զարգացումը։ Բաքու-Թբիլիսի-Ջեյհան նավթատարի և Բաքու-Թբիլիսի-Կարս երկաթուղու նախագծերը։ Ըստ Վրաստանի նախագահի՝ բոլոր այս նախագծերը չափազանց կարևոր են երկու երկրների համար և նոր մակարդակ են հաղորդում քաղաքական համագործակցությանը։
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Երկրները միմյանց կտրամադրեն հնարավորինս լիարժեք տեղեկություն։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |