Քաղաքական12:25, 13 Օգոստոս 2025
Թուրքիան աներկբա աջակցում է Վրաստանի տարածքային ամբողջականությանն ու ինքնիշխանությանը
Թուրքիայի նախագահ Ռեջեփ Թայիփ Էրդողանն Անկարայում ընդունել է Վրաստանի նախագահ Միխեիլ Կավելաշվիլիին։ Էրդողանը նշել է, որ հանդիպման ընթացքում կողմերը քննարկել են տարածաշրջանային և գլոբալ հարցեր։ Մասնավորապես քննարկվել են Սև ծովի անվտանգության հարցը, Հարավային Կովկասում խաղաղության գործընթացը, ռուս-ուկրաինական հակամարտությունը և Գազայում տիրող իրավիճակը։
Էրդողանը ևս մեկ անգամ վերահաստել է Թուրքիայի անսասան աջակցությունը Վրաստանի տարածքային աբողջականությանը և ինքնիշխանությանը։
Անդարադառնալով տարածաշրջանին՝ Էրդողանը նշել է, որ Թուրքիան նպաստում է տարածաշրջանային խաղաղությանը և համագործակցությանը՝ հատկապես արտաքին քաղաքականության և անվտանգության ոլորտներում Ադրբեջանի և Վրաստանի հետ եռակողմ մեխանիզմների միջոցով։
Այս համատեքստում նա նշել է, որ առաջիկայում նախատեսվում է Թուրքիայում անցակցնել արտգործնախարարների մակարդակով եռակողմ Թուրքիա-Ադրբեջան-Վրաստան հանդիպում, իսկ հետագայում՝ խորհրդարանների նախագահների հանդիպում։
Բացի այդ Էրդողանը հիշատակել է մեսխեթցի թուրքերին՝ նշելով, որ Վրաստանը նաև նրանց հայրենիքն է, որոնք 1944թ․ նոյեմբերին բռնի տեղահանվել են իրենց «պատմական հայրենիքից»։
«Ես նաև նախագահ Կավելաշվիլիին փոխանցեցի մեր սպասումները մեսխեթցի թուրքերի՝ իրենց պատմական օջախներ արժանապատիվ և անվտանգ վերադարձի վերաբերյալ, և մենք՝ որպես թուրքեր, արժանի աջակցություն կցուցաբերենք այդ գործընթացին»,- ընդգծել է Էրդողանը։
Կավելաշվիլին էլ իր հերթին է շեշտել Վրաստանի և Թուրքիայի միջև ռազմավարական գործընկերության և բարեկամության կարևորությունը։ Վրաստանի նախագահը նշել է, որ իրենց համար չափազանց կարևոր է Թուրքիայի կողմից իրենց երկրի տարածքային ամբողջականությանը և ինքնիշխանությանն ուղղված աջակցությունը։
Կավելաշվիլին, անդրադառնալով Հայաստանի ու Ադրբեջանի միջև խաղաղության գործընթացին, նշել է, որ Վրաստանը կշարունակի ներդրում ունենալ այդ գործընթացում։
«Տարածաշրջանի կայունության տեսանկյունից այս համագործակցությունը չափազանց կարևոր է։ Դա Ադրբեջանի, Թուրքիայի և Վրաստանի միջև եռակողմ մեխանիզմի հիանալի օրինակ է՝ մեր երկրների հաջողության, համագործակցության, կայունության ապահովման և զարգացման տեսանկյունից»։
Նա նաև շեշտել է, որ դա չափազանց կարևոր օրինակ է այն բանի, թե ինչպես կարող են երկրները համագործակցել, թե ինչպես կարող են հարգել միմյանց տարածքային ամբողջականությունն ու ինքնիշխանությունը։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |