Հունական օրաթեթր․ «Էրդողանը շարունակում է լինել ինչպես Պուտինի և Զելենսկու առաջնային զրուցակիցը»

15:24, 04 Սեպտեմբեր 2025

Հունական օրաթեթր․ «Էրդողանը շարունակում է լինել ինչպես Պուտինի և Զելենսկու առաջնային զրուցակիցը»

Հունական «To Vima» օրաթերթն անդրադարձել է Թուրքիայի արտաքին քաղաքականությանը՝ շեշտելով, որ «սպասվող մեկուսացման» մասին խոսակցություններն այլևս չեն համապատասխանում իրականությանը։

Հոդվածում նշվում է, որ Թուրքիան բազմակողմանի դիվանագիտություն է վարում՝ միաժամանակ խորացնելով տնտեսական կապերը Չինաստանի հետ՝ հանդես գալով միջնորդի դերակատարմամբ ռուս-ուկրաինական պատերազմում և փորձելով պահպանել հավասարակշռություն Արևմուտքի ու Արևելքի միջև։

Աղբյուրը հիշեցնում է, որ Անկարան Ուկրաինային անօդաչու սարքեր է մատակարարել և միաժամանակ երկու կողմերին հրավիրել բանակցությունների։

«Էրդողանը շարունակում է լինել ինչպես Պուտինի, այնպես էլ Զելենսկու առաջնային զրուցակիցը»։

Նշվում է նաև, որ Իսրայելի հետ հարաբերությունները լարված են Սիրիայի քաղաքականության պատճառով, մինչդեռ եվրոպական երկրները Թուրքիային դիտարկում են որպես տարածաշրջանային կարևոր գործընկեր։

«To Vima»-ի գնահատմամբ՝ Թուրքիայի ազդեցությունը նկատելիորեն աճել է նաև Լիբիայում, Աֆրիկայում և Մերձավոր Արևելքում։

Հոդվածը եզրափակվում է հետևյալ հռետորական հարցով․ «Էրդողանից հետո այս ժառանգությունն ո՞վ,կ ամ ովքե՞ր են ստանձնելու»։

Աղբյուր` Gazeteoksijen.com