Թուրքիայում կրոնական գործերի վարչությանը հատկացվում է ավելի շատ բյուջե, քան օրինակ ԱԳՆ-ին

Տնտեսական12:42, 09 Սեպտեմբեր 2025

Թուրքիայում կրոնական գործերի վարչությանը հատկացվում է ավելի շատ բյուջե, քան օրինակ ԱԳՆ-ին

Թուրքիայի ազգային մեծ ժողովը սահմանել է առաջիկա երեք տարիների (2026-2028) պետական կառավարման մարմինների բյուջեի չափը։

Թուրքիայի կրոնական գործերի վարչության համար 2026-ի բյուջեն կազմել է 174 մլրդ լիրա (4.2 մլրդ դոլար)։ Նախատեսվում է, որ 2027-ի համար կրոնական գործերի վարչությանը հատկացվող բյուջեն կկազմի 196.3 մլրդ լիրա, իսկ 2028-ի համար՝ 216.1 մլրդ լիրա։

Հատկանշական է, որ կրոնական գործերի վարչությանը հատկացվող բյուջեն գերազանցում է ներքին գործերի նախարարության 119.5 մլրդ լիրա (2 մլրդ 883 մլն) և արտաքին գործերի նախարարության 46.8 մլրդ լիրա (1 մլրդ 114 մլն դոլար, էներգետիկայի ու բնական պաշարների 23.4 մլրդ լիրա (557 մլն), տրանսպորտի և ենթակառուցվածքներ նախարարության 167.2 մլրդ լիրա (4 մլրդ) և այլ նախարարություններին հատկացվող բյուջեին։

Նշենք, որ 2025-ին կրոնական գործերի վարչությանը հատկացվել է 130 մլրդ լիրա (3.1 մլրդ դոլար)։ 2026-ի հատկացված բյուջեն 44 մլրդ լիրայով ավելի է ընթացիկ տարվա հատկացվածից։ Այդչափ բյուջեի հատկացումը Թուրքիայում հանրային քննարկումների առիրթ է դարձել։

Աղբյուր` kronos38.news