Թուրք նախարար. Ադրբեջանի ու Թուրքիայի տնտեսություններն ունեն միմյանց փոխլրացնող առանձնահատկություն

Քաղաքական11:59, 18 Սեպտեմբեր 2025

Թուրք նախարար. Ադրբեջանի ու Թուրքիայի տնտեսություններն ունեն միմյանց փոխլրացնող առանձնահատկություն

Թուրքիայի առևտրի նախարար Օմեր Բոլաթը մասնակցել է Բաքվում կայացած «Ադրբեջան-Թուրքիա տնտեսական և մշակութային հարաբերությունների կամուրջ» միջոցառմանը: Բոլաթն անդրադարձել է «Զանգեզուրի միջանցքի», ինչպես նաև 44-օրյա պատերազմից հետո Լեռնային Ղարաբաղում իրականացվող ներդրումներին:

Նշելով, որ Արցախում (Լեռնային Ղարաբաղ) այժմ իրականացվում են մեծածավալ ներդրումներ և վերակառուցման աշխատանքներ, նախարարն ընդգծել է. «Թուրք-ադրբեջանական տնտեսական հարաբերությունների առումով մեր տնտեսությունները իրականում լրացնում են միմյանց։ Մասնավորապես էներգետիկայի ոլորտում մենք ռեսուրսներ ենք ներկրում Ադրբեջանից։ Թուրքիա-Ադրբեջան տնտեսական հարաբերություններում մեր տնտեսությունները հիմնականում ունեն միմյանց ամբողջացնող/փոխլրացնող առանձնահատկություններ։

Մենք աջակցում ենք Ադրբեջանին արդյունաբերության և սպասարկման ոլորտում»։ Անդրադառնալով «Զանգեզուրի միջանցքին», Բոլաթը նշել է. «Զանգեզուրի միջանցքի շուտափույթ բացմամբ, հնարավոր կլինի թյուրքական աշխարհի աշխարհագրական ամբողջացումը և տնտեսական կապերի զարգացումը, Հեռավոր Արևելքից մինչև Եվրոպա ձգվող Միջին միջանցքի աշխուժացումը և տարանցիկ առևտրի ուժեղացումը»։

Աղբյուր` Aksam.com.tr