Վալերի Բոյերը վերընտրվել է, թուրքերը մտահոգված են

Միջազգային13:49, 18 Հունիս 2012

Վալերի Բոյերը վերընտրվել է, թուրքերը մտահոգված են

Ֆրանսիայի խորհրդարանական ընտրությունների երկրորդ փուլում հաղթանակ է տարել հայամետ գործիչ, «Ժողովրդական շարժման միություն» կուսակցության անդամ տկն Վալերիա Բոյերը, ում թուրքական մամուլն անվանում է «Հայոց ցեղասպանության հերքումը քրեականացնող բանաձևի ճարտարապետ»:

«HaberTurk» լրատվական կայքի տեղեկացմամբ` Բոյերը, ստանալով քվեների 50.65 տոկոսը, անցել է խորհրդարան: Նրա հեղինակած ցեղասպանության ժխտումը քրեական հանցանք համարող օրինագիծը 2012-ի հունվարին ընդունվել էր Սենատի կողմից: Բայց կարճ ժամանակ անց երկրի սահմանադրական խորհուրդը չեղյալ էր հայտարարել սենատի ընդունած որոշումը` պատճառաբանելով, որ դա հակասում է սահմանադրության 33-րդ հոդվածին:

Նուն աղբյուրի համաձայն` Ֆրանսիայի խորհրդարանական ընտրութուններում պարտություն են կրել թուրքամետ գործունեությամբ աչքի ընկնող պատգամավորության 2 թեկնածու, որը մտահոգել է ֆրանսիայի թուրքական համայնքին: Ձախողված այդ թեկնածուներից մեկը եղել է Թուրքիայի հետ բարեկամության խմբի փոխնախագահը: