Ֆրանսիան սպասում է Թուրքիայի արձագանքին

Միջազգային09:33, 20 Փետրվար 2013

Ֆրանսիան սպասում է Թուրքիայի արձագանքին

Ֆրանսիան Թուրքիայի եվրաանդամակցության բանակցությունների համար կանաչ լույս է վառել: Այս մասին հայտնում է թուրքական «Cihan» լրատվական գործակալությունը: Ֆրանսիայի արտգործնախարարի մամուլի խոսնակ Ֆիլիպ Լայոտը «Cihan»-ի թղթակցին ասել է.

«Թուրքիայի համար այս գործընթացի դռները բացելով` նույնպիսի քայլեր էլ նրա կողմից ենք ակնկալում` հատկապես Անկարայի արձանագրության, միգրանտների և նրանց հետ ընդունելու մասին հարցերում»:

Ֆիլիպ Լայոտը հիշեցնում է, որ Փարիզում Ֆրանսիայի նախաձեռնությամբ երկու երկրների արտգործնախարարներ Լորեն Ֆաբիուսը և Ահմեթ Դավութողլուն համաձայնության էին եկել վերացնել «Տարածաշրջանային քաղաքականություն» կոչվող 22-րդ հոդվածի արգելափակումը, որը Ֆրանսիան կիրառել էր 2007-ից ի վեր: Ըստ Լայոտի՝ սա Թուրքիայի ԵՄ (Եվրամիություն) անդամակցության գործընթացում կարևոր քայլ է:

Տեղեկացնենք, որ Ֆրանսիան 2005 թվականից Թուրքիայի Եմ լիիրավ անդամակցության բանակցություններում 35 հոդվածներից 5-րդի հոդված (11-րդ, 17-րդ, 22-րդ, 33-րդ, 34-րդ) արգելափակել էր՝ կիրառելով իր վետոյի իրավունքը:

Ermenihaber.am