«ԵՄ-ն Թուրքիայի առաջ ծնկի է գալու» հայտարարության պատասխանը

Միջազգային08:56, 22 Փետրվար 2013

«ԵՄ-ն Թուրքիայի առաջ ծնկի է գալու» հայտարարության պատասխանը

ԵՄ հանձնաժողովի նախագահ Ժոզե Մանուել Բարոզոն պատասխանել է Եվրամիության էներգետիկ հարցերով կոմիսար Գյունտեր Էտինգերի «ԵՄ-ն Թուրքիայի առաջ ծնկի է գալու» հայտարարությանը:

Հիշեցնենք, որ Գերմանիայում կառավարող «Քրիստոնեադեմոկրատական միության» անդամ ԵՄ էներգետիկ հարցերով կոմիսար Գյունտեր Էտինգերը Բելգիայի մայրաքաղաք Բրյուսելում կազմակերպված խորհրդաժողովի ժամանակ ասել էր, որ 15-20 տարի հետո Գերմանիայի և Ֆրանսիայի վարչապետները սողեսող են գնալու Անկարա, որպեսզի Թուրքիան ինտեգրվի ԵՄ-ին:

Գյունտեր Էտինգերի արած հայտարարությանը ԵՄ հանձնաժողովի նախագահը պատասխանել է իր մամուլի խոսնակի միջոցով, ով մասնավորապես ասել է. «Դա Գյունտեր Էտինգերի անձնական տեսակետն է և չի արտացոլում ԵՄ հանձնաժողովի տեսակետը»:

Այս արձագանքներից հետո Գյունտերի մամլո խոսնակն ասելով, թե մտադրություն չունի պաշտպանել Թուրքիայի անդամակցությունը, հայտարարել է, որ ԵՄ հանձնաժողովը պետք է ուշադրության արժանացնի Թուրքիայի այն ջանքերը , որոնք վերջինս գործադրել է Եվրաինտեգրման համար, ինչին էլ ի պատասխան ԵՄ երկրները պետք է Անկարայի հետ ավելի ջերմ հարաբերություններ հաստատեն: