Իրաքը չի ուզում ընդունել Թուրքիան լքող ՔԲԿ-ի զինյալներին

Միջազգային15:28, 10 Մայիս 2013

Իրաքը չի ուզում ընդունել Թուրքիան լքող ՔԲԿ-ի զինյալներին

Երեկ Իրաքի Արտաքին գործերի նախարարությունը հայտարարություն է տարածել Թուրքիայից դուրս եկող քուրդ զինյալների` Իրաքի տարածք անցնելու վերաբերյալ:

Թուրքական «Փոսթա» էլեկտրոնային լրատվականի փոխանցմամբ Իրաքի ԱԳՆ-ի տարածված գրավոր հայտարարության մեջ նշվում է, որ Թորքիայի տարածքը լքող Քուրդիստանի բանվորական կուսակցության զինյալների մուտքը Իրաքի տարածք անհնար է, քանի որ դա տարածաշրջանում հաստատված կայունության դեմ սպառնալիք կարող է դառնալ:

«Իրաքի կառավարությունը ողջունում է Թուրքիայում առկա քրդական խնդրի քաղաքական և խաղաղ ճանապարհով լուծմանն ուղղված ջանքերը: Սակայն այդ ամենի հետ միասին Իրաքի ինքնիշխանության, հասրակության անվտանգության, կայունության պահպանման և այլ երկրի ներքին գործերին չմիջամտելու հիմքով, Իրաքի կառավարությաունը չի ընդունում ՔԲԿ (PKK) զինյալների մուտքը Իրաքի տարածք»-, ասված է հայտարարության մեջ: Հայտարարության մեջ նշվումէ նաև, որ նման որոշում ընդունելու հիմք են հանդիսացել միջազգային իրավական նորմերը և Իրաքի սահմանադրությաունը:

Թուրքական թերթը հիշեցնում է նաև, որ Իրաքի Քրդական ինքնավարության ղեկավար Ն.Բարզանին ավելի վաղ արած հայտարարության մեջ նշել էր, որ թուրք-քրդական հաշտեցման գործընթացի դրական ավարտի համար հնարավորության սահմաններում ամեն ինչ կանեն:

Ermenihaber.am