Եվրամիություն-Թուրքիա հարաբերություններում ճգնաժամ է սկսվում

Միջազգային08:45, 20 Հունիս 2013

Եվրամիություն-Թուրքիա հարաբերություններում ճգնաժամ է սկսվում

Բրյուսելում հանգրվանած Եվրամիության մշտական ներկայացուցիչների կոմիտեն Գերմանիայի կոշտ դիրքորոշման պատճառով որևէ որոշում չի կարողացել ընդունել:

Թուրքական «Զաման» օրաթերթին տված հարցազրույցի ժամանակ ԵՄ ընդլայնման եւ Եվրոպական հարեւանության քաղաքականության հարցերով հանձնակատար Ստեֆան Ֆյուլեն ասել է. «Դեռ հույս ունեմ, որ նստաշրջանը կբացվի»:

Եվրամիության մի շարք պաշտոնյաների մշուշոտ արձագանքները` կապված նստաշրջանի բացման հետ, վկայում են, որ հունիսի 24-ին հարցն օրակարգ բերելու համար որևէ երաշխիք չկա: Գերմանական կողմը Գեզիի իրադարձությունների ներքո նստաշրջանի հնարավոր բացումը որակել է որպես «Էրդողանին պարգևատրելու» քայլ:

Չնայած Անգելա Մերկելի կոշտ դիրքորոշմանը` Իտալիայի վարչապետը ցանկություն է հայտնել ոչ ճգնաժամային հետևանքներ ունեցող որոշումներ ընդունել: Ինչպես նաև շեշտադրել է, ճգնաժամի պարագայում թույլ չտալ «վճռորոշ և հետդարձի ճամփա չունեցող սխալ»: Երեք տարի արդեն Եվրամիություն-Թուրքիա հարաբերություններում որևէ նստաշրջան չի բացվել, և անկախ այս ամսվա վերջին տեղի ունենալիք ժողովների ընթացքում գրանցվելիք արդյունքներից, տեղեկացվում է, որ երկու կողմերի հետագա բանակցությունները հետաձգվելու են Գերմանիայի ընտրությունների կապակցությամբ: Անկարան էլ իր հերթին նստաշրջանի հետաձգման պարագայում պատրաստվում է կոշտ արձանանքել Եվրամիության քայլերին: